鏡頭背後關係差!沈殷怡狂數陳欣妍:Everyday都喺度喊!

·4 分鐘文章
鏡頭背後關係差!沈殷怡狂數陳欣妍:Everyday都喺度喊!
鏡頭背後關係差!沈殷怡狂數陳欣妍:Everyday都喺度喊!

陳欣妍(Shirley)和沈殷怡(Shirley)因為拍ViuTV節目《美女郊遊遊》而為人所認識,鏡頭前兩人似乎非常老友又有默契,但其實背後關係麻麻,昨晚播出的ViuTV節目《有酒今晚吹》上,陳欣妍接受沈殷怡和強尼的訪問,強尼問陳欣妍與女拍檔合作有否困難?陳欣妍表示沒有,因為讀了13年女校,習慣與女生相處:「我哋私底下都好粗獷,亦都好直爽。」不過沈殷怡直言有點不習慣:「你睇喺《美女郊遊遊》裏面,我擺明係一個男朋友嘅角色,我有陣時會覺得身邊啲女人真係太女人,覺得佢哋好麻煩,搞到我要好似男朋友咁去處理!」

沈殷怡大爆拍《美女郊遊遊》時,要時時刻刻咁照顧住陳欣妍。
沈殷怡大爆拍《美女郊遊遊》時,要時時刻刻咁照顧住陳欣妍。
陳欣妍成日喊,沈殷怡仲話Everyday都喺度喊!
陳欣妍成日喊,沈殷怡仲話Everyday都喺度喊!
指住鬧!
指住鬧!

接着她用手指住陳欣妍說:「佢都知㗎,我好似帶條女去行山!」沈殷怡指陳欣妍經常要被照顧,行山時要拖住手,令她大感無奈:「點解行山要十指緊扣呀!」陳欣妍即自辯:「因為我好敏感,要有觸感掂到,我先有安全感。」不過沈殷怡似乎唔多接受這個解釋,她突然爆seed地說:「可能因為我份人嘅性格好硬頸,又鍾意去捉曱甴,又鍾意乜嘢都死撐,好唔鍾意畀人哋覺得我係好軟弱,但係呢位小姐呢,everyday都喺度喊!」陳欣妍有點尷尬地說:「呢位小姐已經用盡畢生嘅勇氣去完成所有任務!」

沈殷怡好唔鍾意同陳欣妍十指緊扣。
沈殷怡好唔鍾意同陳欣妍十指緊扣。
陳欣妍笑得好尷尬。
陳欣妍笑得好尷尬。

在旁的強尼亦出口解圍:「佢(陳欣妍)係軟弱嘅,見到佢嗰條鼻涕,你唔係唔知呀?」不過沈殷怡愈講愈嬲:「你唔係唔知佢每日喊得幾勁呀?我每日都要呵護呢個女朋友嘅心靈,『乖啦!冇事嘅!』」

沈殷怡愈講愈激動。
沈殷怡愈講愈激動。
陳欣妍性格比較軟弱。
陳欣妍性格比較軟弱。

陳欣妍坦言在拍攝初期兩人的確不相熟,第一天開工已經是拍重頭戲,因為她的反應慢半拍,承認多次「激到阿沈半死」,本來她想繼續解釋下去,但沈殷怡隨即搶住說:「我好希望佢可以多啲講,多啲鏡頭,可以多啲嘢表現到自己。」後來,強尼又問兩人會否有比較?陳欣妍表示最初都擔心會有這個比較,但去到中段部分,反而變了比較在深山中去了多少次洗手間,沈殷怡又突然狂數陳欣妍:「唔知點解佢有個尿頻嘅習慣,唔好意思,我爆咗出嚟,真係呢,唔知點解佢一行入到深山度就想去洗手間,每次爬到一半就話好想去,之後成隊crew就會roll機跟住佢去洗手間囉,不過最後片段出唔到街。 」

最後大家都飲杯,和和氣氣。
最後大家都飲杯,和和氣氣。

之不過沈殷怡狂數完之後表示要講句:「唔好意思」:「因為每一日拍完《美女》之後都筋疲力盡,收工之後真係冇咁多精力去聯繫拍檔,以往我收工之後,都會問吓拍檔覺得今日拍成點呀?會唔會有啲乜嘢可以幫到你呀?有啲乜嘢可以長進到呀?但係今次真係冇做到,所以真係唔好意思。」

《美女郊遊遊》時,2人似乎好有默契。
《美女郊遊遊》時,2人似乎好有默契。
鏡頭後,原來2人關係麻麻。
鏡頭後,原來2人關係麻麻。