鐵達尼號20年後將徹底分解 一代傳奇或從此消失

You jump, I jump!呢句經典對白,來自《鐵達尼號》,相信宜家無人不曉呢艘號稱永不沉沒嘅郵輪慘劇,於1912年首航時就撞冰山,永遠沉沒於大西洋海底,至今已經105年,最近有媒體引述專家指,預計20年之後鐵達尼號將被完全分解,從此消失於世上!自1985年被發現殘骸,並開始打撈,久不久就會搵到一、兩件船上嘅物品,亦有唔少人當沉船地點係潛水勝地,不過隨著海洋微生物及細箘嘅侵蝕,鐵達尼號殘骸銹蝕相當嚴重,可以話係甩皮甩骨,根據專家推測,隨著呢個速度,大概20年時間,整架船殘骸會完全被細箘分解,正正式式消失於世界上,成為大西洋海底嘅眾多微塵之一,令人無限感觸!其實隨著現今技術發展,唔少人都提議不如用打撈沉船專用嘅吊船,將殘骸吊出,復修之後放於博物館之中;但無奈風險極大,例如殘骸可能一掂就散;又可能唔小心將船入面嘅遺物都整爛等,因此一直都無咁做過。所謂塵歸塵,土歸土,其實鐵達尼號嘅故事早已長存喺人類嘅歷事、甚至心入面,就畀佢化作海洋嘅一部分算啦。

殘骸經百多年海水侵蝕,已經殘破不堪。

(ihearttitanic@tumblr)

多次被潛水員拍下船中情況,呢度係土耳其浴場。

(spectrometrie@tumblr)

殘骸中仍有唔少遺物,唔可以隨便打撈。

(selfessxscientia@tumblr)

相關文章:

情侶應該志趣相投定互補不足?四個原因話俾你知 一凹一凸情侶的好處

入境英國要交出電話電腦連密碼 人權組織高層拒絕後被捕

香港都叫高薪? 英國人一個鐘人工可買47日食水

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!