長假期喪玩 開工無心機 點算?

蘋果動新聞
長假期喪玩 開工無心機 點算?
長假期喪玩 開工無心機 點算?

農曆年長假期瘋狂玩樂,不少人日夜癲倒兼唔夠瞓,明天返工隨時唔願起身無精神。香港睡眠醫學會代表、精神科專科醫生方日旭表示,連續幾日都睡眠不足,可令人專注力及記性轉差,返工便容易出錯或「做漏嘢」。另外睡眠不足更會影響情緒,缺乏睡眠也與抵抗力減弱、胃口大增有關,不但易患病,長遠或有增磅危機,故長假亦應保持睡眠規律。

記者:梁麗兒

方指,睡眠規律好重要,預防長假期唔夠瞓導致返工無精神,建議在假期後段要調節作息時間,盡量接近日常生活,臨返工前盡量回復早睡早起的睡眠規律,「平日返工6點起身,假期尾段開始每朝8點、7點起身」,建議可安排一些早上活動,鼓勵早起習慣,例如約友人早上行山或飲早茶。避免夜睡晏起,令返工日精神不足。

在農曆年期間若外遊,尤其「請2日假連續放7日」的市民,方指,通常旅行冒會玩到盡,夜機返港後翌日便返工,以致會帶著疲累身軀面對老闆,建議旅程末段行程不要太緊迫,要有充足時間休息,並於出發前預先執拾返工的物品,「旅行前盡量準備好落機後,第二日返工嘅嘢,回港果日就算好遲返到屋企,都可以盡快上床休息,唔駛執拾聽日返工、返學嘅嘢,搞到自己仲遲啲瞓,第二朝起身就更加辛苦」。

含咖啡因的飲品雖然有短暫提神效果,但方稱不會顯著提升個人的專注力及集中力,充足睡眠才是解決良方,萬一返工日睡眠不足,建議可趁午飯時間,抽15至20分鐘小睡,讓下午工作有精神。上班一族定時定候站起來,離開座位,進行伸展舒展一下,都可提一提神。

方指,患情緒病的人應避免在農曆年玩到唔瞓覺,因為睡眠不足、日夜癲倒,可影響腦部分泌,令情緒病有機會發作,建議假期亦要保持有規律睡眠、早睡早起,每晚至少要睡6至7小時。

你可能還想看