長榮航空疑將轉全青色制服 空服員大驚:不如裸體
航空公司為形象,通常隔5、7年就會改下Logo,甚至轉下制服,等乘客有新鮮感。最近台灣長榮航空內部傳出,準備換新一輪嘅空中服務員制服,不過根據社交媒體上有人流出疑似新制服嘅相片,就令人相當崩潰!根據相片,成套制服不論男女,都係清一色草青色,但就並非長榮本身嘅深綠色,而且女裝嘅領口位由過往嘅密封變成開胸。有現職空姐就大叫怕怕:「沒看過這麼醜的東西。」甚至話寧願裸體:「到底什麼廉價沒質感的顏色和設計啊!隨便一間國中高中制服都比這個好看!!!不如裸體啊!!!!!!」反應異常激烈,仲叫乘客們應該要罷搭以示抗議。而留言中亦有唔少長榮嘅長期搭客,大部份都係話接受唔到,覺得顏色太肉酸、感覺係廉價平衫等等。至於官方又點回應呢?個答案就相當頂癮,長榮表示下半年真係會換制服,將會以功能性為主,至於顏色就話唔喺呢隻青色喎,但具體顏色仍未確定,會稍後公佈。繼我話如果小編係長榮高層,見到咁嘅評語,都拿拿臨換過晒佢啦係嘛!
有網民就笑言呢套制服勁似大陸嘅廉航春秋航空。
長榮目前嘅空姐制服,無論設計用色都唔錯呢。
(uuer-blog@tumblr)
相關文章:
公主病港女去旅行的4大特徵 奉旨唔帶腦、手殘唔拎行李、食神上身…
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!