【長沙灣美食】失業爸爸為養家開意粉店!自創車仔麵式意粉剔紙仔揀配料

·6 分鐘文章
【長沙灣美食】失業爸爸為養家開意粉店!自創車仔麵式意粉剔紙仔揀配料

【長沙灣美食】失業爸爸為養家開意粉店!自創車仔麵式意粉剔紙仔揀配料

政府統計處公布,2月至4月經季節性調整失業率為5.2%,創逾十年新高。重災區飲食業,「有工開已經要還神啦」已成同行間之問候語。今年32歲的Steven也不例外,18歲紅褲子入行,不是廚師,主力樓面。做過米芝蓮2星法國餐廳,做過星級酒店,也做過高檔意菜,職級已達經理,連餐廳menu,新舖選址他也有份參與。「又點估得到,個女出世幾個月,我就突然被炒?」Steven說時不無感觸。

【立即讚好】全新 Yahoo Food Facebook 專頁

長沙灣「創食薈」雖然宣傳及名氣都不高,卻是附近office上班族的醫肚點,晚市也有不少街坊前來。
長沙灣「創食薈」雖然宣傳及名氣都不高,卻是附近office上班族的醫肚點,晚市也有不少街坊前來。
店主Steven 從事餐飲業14年,一直做樓面及管理,今次開店,是首次掌灼擔任大廚。
店主Steven 從事餐飲業14年,一直做樓面及管理,今次開店,是首次掌灼擔任大廚。
除了6款已配搭好的意粉款式,最特別的是「車仔麵式」意粉,可以自己選配料。
除了6款已配搭好的意粉款式,最特別的是「車仔麵式」意粉,可以自己選配料。

搬了屋 失了業

Steven 是名標準愛妻號,夫妻二人婚後一直想有下一代,組織美滿家庭。但見太太身體狀況不算理想。就算他每月入息不算十分充裕,也仍然想老婆辭工休養。結果也真的求仁得仁,順利誕下囡囡。「當時在灣仔一間高檔意大利餐廳做經理,收入穩定,拍檔也合作多年。條件足夠我去support屋企,所以先會決定生小朋友,租新屋,地方大啲,也預備好了小朋友的各種開支。」

意粉共3款可揀:扁意粉,長通粉及意大利粉(spaghetti)。
意粉共3款可揀:扁意粉,長通粉及意大利粉(spaghetti)。
意粉全部即叫即製,繁忙時間要有耐心等候的準備。
意粉全部即叫即製,繁忙時間要有耐心等候的準備。

萬萬想不到,經濟在半年間插水,社會不穩加上疫情致命的衝擊,「我仲好記得,係今日通知我被解僱,即刻就要執嘢走。當刻難受到……成個人呆咗。」Steven說,難受歸難受,第一時間湧現的想法是「我點同老婆交代?我返屋企應唔應該講?我應該點講?」

Steven很重視意粉的彈性,不會炒太久,免過韌。
Steven很重視意粉的彈性,不會炒太久,免過韌。
青醬(pesto sauce)自製,松子仁自己炒,連羅勒葉青爛,開成醬,特別香口。
青醬(pesto sauce)自製,松子仁自己炒,連羅勒葉青爛,開成醬,特別香口。

由經理 變 大廚

男人之苦,自己吃,不緊要,但「有頭家去撐,其實無時間去苦,無時間唔開心。」擦乾眼淚還是要趕路,但其時正值3月,疫情最嚴峻之時,政府實行限聚令,酒吧被迫關門,不少餐廳也索性關門一陣:「日日打電話,周圍問朋友,但唔好話長工,連炒散都唔請。」無車牌的他甚至應徵過外賣app公司做「步兵」速遞員。

雞同鴨講(雞柳鴨胸)羅勒茄汁意粉 $50。
雞同鴨講(雞柳鴨胸)羅勒茄汁意粉 $50。
意粉軟硬適中,條條掛滿pesto sauce,香口好吃。
意粉軟硬適中,條條掛滿pesto sauce,香口好吃。

日復日等通知,幸好曙光來得及時,在朋友介紹下,得知長沙灣一food court入場費較低,一直喜歡下廚的他決定一試自己做店主:「我接觸西餐多,睇得多試得多,都會知道用料及少少秘訣。」至於開意粉店,也是他的小小夢想:「以車仔麵方法賣pasta,其實我已經諗咗好耐,一直想實行。」事急馬行田,個多月內鑽研意粉煮法,找朋友試味,改良,籌備好,就立刻開店。

白汁煮長通粉時間會耐一點,讓通粉更入味。
白汁煮長通粉時間會耐一點,讓通粉更入味。
放上三文魚。
放上三文魚。

自製青醬夠誠意

所謂餐廳,其實是美食廣場內一間小店,枱枱櫈櫈是公家共用。至於餐單,清一色是pasta,共6款已配搭好的意粉,4款小食,再加上Steven自創的「車仔麵」式意粉,客人可以剔紙仔揀心水配料,自己配搭。食物沒有驚為天人,賣的是物有所值,簡單的忌廉白汁、茄醬、青醬,都是他自製,不用來貨。特別是青醬(pesto sauce),松子仁自己炒,配羅勒一同打爛,開成醬,炒上意粉,已經香得不能。

芝士碎不手軟,落得重手。
芝士碎不手軟,落得重手。
吞拿魚煙三文魚粟米芝士白汁意粉  $50。
吞拿魚煙三文魚粟米芝士白汁意粉 $50。

香港人最愛的卡邦尼也賣得很好,「蛋黃和忌廉的比例最重要,意粉也不可以烚到熟透才上碟,讓餘溫自己煮就好。」意粉平均$50/份,份量多,又足料,縱使宣傳不多,靠街坊口碑也慢慢累積回頭客。現時餐廳生意穩步上揚,對比起開業頭個多月,平均每日賣少於10個意粉。Steven笑言雖然已經工作2個月無放過1日假,但「個心終於定返小小」。

碟頭大,脆非坊間「幾啖仔」的意粉份量,好抵食。
碟頭大,脆非坊間「幾啖仔」的意粉份量,好抵食。
(卡邦尼製作中)
(卡邦尼製作中)

賺了天倫樂

自身無宗教信仰的Steven說,今次經歷有點「塞翁失馬」之感:「上天關了一扇門,必定會再為你打開另一扇窗」。失去了穩定工作,卻意外換來更多與老婆及囡囡的天倫樂:「以前返屋企最早都要12點,太太已經瞓了。但現在,及早完成工作,10點幾就回家,仲趕得切同佢傾下計,陪下bb。」在這風雨飄搖的時代,每個父親最想得到的父親節禮物,其實只是一種家的安穩。

忌廉,蛋黃的份量是關鍵,入口creamy而不膩。
忌廉,蛋黃的份量是關鍵,入口creamy而不膩。
上碟時已經香噴噴。
上碟時已經香噴噴。
加溫泉蛋,完成。
加溫泉蛋,完成。
溫泉蛋煙肉雜菌卡邦尼意粉  $50。
溫泉蛋煙肉雜菌卡邦尼意粉 $50。

今晚食乜好?即睇最強雞翼食譜、牛油果食譜合集

食乜養生好?二十四節氣:中醫教路/湯水進補/穴位養生

自助餐推介!睇盡各種自助餐優惠/回本攻略

想知最新飲食資訊?按此觀看Yahoo Food編輯推介

意粉攻略

地址:長沙灣青山道413號東景大廈1樓創食薈8號舖(地圖按此)

電話:65743400

更多長沙灣美食推介

【長沙灣美食】打卡文青Café推介5間!純素蛋糕+柴犬咖啡+玫瑰千層蛋糕

【長沙灣美食】文青餐廳以茶入饌!烏龍茶炒雜菇+蝶豆花伯爵茶卷蛋

【長沙灣美食】潮州腸粉店!自製腸粉汁+炸蒜日日3pm前沽清

【長沙灣美食】廢青鹹魚翻生!前宵夜店廚師車房竇開追夢串燒店

【長沙灣美食】元洲牛肉麵!日限10碗去骨蔥油雞髀麵?

【今晚食乜好】唔知今晚食乜餸?立即去Yahoo Food 食譜專頁搵靈感