長跑比賽跑錯賽道5K變10K 男童照贏成班大人

19+

 

十月開始,好多長跑比賽舉行,10公里賽事係唔少跑友嘅選擇。

 

10K話短唔短,點都要有訓練下先好出賽。

美國有個小學雞,未試過跑10K,就走去比賽,

居然贏咗,對手們仲要係一班大人!

 

佢唔係懶叻,而係……唔覺意跑贏。

 

Kade呢位小跑手,參加咗一個5公里比賽。

但係跑跑吓,現場義工點錯方向,

佢跑咗去10K嘅中轉點!

然後Kade發現,身旁嘅跑手全部係大人。

 

當時Kade冇諗過放棄賽事搵路走,

而係繼續跑,要去到終點。

因為……性格驚青嘅媽咪喺終點等佢,而家跑耐咗,

實俾人鬧死。

 

鏡頭一轉,Kade媽真係喺終點心急如焚,

因為阿仔上年係以破紀錄時間衝線,今年竟然慢咗咁多,

心諗係咪出咗咩事,叫晒工作人員幫手搵仔。

 

好在無耐阿仔就衝線,仲以48分17秒嘅時間贏得冠軍。

以未跑過完整10K嘅小學雞嚟計,成績非常好!

 

所以你話「母愛嘅推動力」係幾咁強大!

原文傳送門

你可能還想看