開心速遞|TVB《愛回家》「蔥頭」角色疑似影射姜濤 網民反應:你抽夠水未

「蔥頭」丘梓謙 & 姜濤

MIRROR成員姜濤令香港再度掀起一股追星熱潮,更加受唔同廣告商愛戴,人氣越嚟越勁,就連無綫近期都頻頻抽水。早排無綫安排藝員鄧智堅喺「超級綜藝隆重登場」記者會以「姜蓉」身份扮演姜濤引起公關災難,為化解粉絲「姜糖」們不滿,林盛斌(阿Bob)喺Instagram撰文道歉,而馮盈盈就化身姜糖撲火。繼呢件事之後,無綫處境劇《愛‧回家之愛心速遞》再安排藝員丘梓謙扮演人氣偶像「蔥頭」,被網民指再次影射姜濤。

劇中講述「蔥頭」係一個比賽出身嘅年輕偶像,熊尚善(滕麗名飾)同埋大批女性成為「蔥粉」,加上唱嘅歌叫《空虛感》同姜濤首《孤獨病》歌名極為相似,唔單止背景有影射之意,就連「蔥頭」嘟嘴、鞠躬、雙手合十、心心手等動作都同姜濤好似,令網民睇完都覺得無綫又再一次扮姜濤,仲留言指覺得好唔尊重姜濤:「一味得個抄字」、「垃圾電視台,做乜醜化我姜濤」、「簡直抽水怪」、「TVB越嚟越冇創意」及「你抽夠MIRROR同姜濤水未啊」等。

而扮演「蔥頭」嘅丘梓謙Instagram亦即畀網民圍攻,留言批評佢影射姜濤:「作為演員你會唔會覺得自己好肉酸?」、「醜唔醜呀? 成日靠醜化人哋嘅成功來製造話題, 你係垃圾定係偽人呀? 一世都唔會紅呀你, 你人生嗰15分鐘用完啦!!」及「扮隔離台嘅藝人當有趣,有料嘅做自己咪得囉」等。丘梓謙接受媒體訪問嗰陣就話拍攝時已做心理準備會畀姜濤粉絲鬧,仲話角色唔係想醜化佢(姜濤),而係想同佢致敬,表示自己都好欣賞MIRROR;負評以外,亦有一班網民大讚佢扮得神似,仲有網民留言指:「扮得姜濤都一定有人鬧。唔關你事既,只係代tvb受靶」,表示會支持佢,叫佢繼續努力。

《愛·回家之開心速遞》截圖
《愛·回家之開心速遞》截圖
截圖
截圖
姜濤
姜濤
姜濤
姜濤
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
丘梓謙
丘梓謙
丘梓謙
丘梓謙

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!