開心Share台慶萬元利是 邵初請食魚蛋要諗過度過

邵初笑言利是尚未到手,會好好諗吓點用!
邵初笑言利是尚未到手,會好好諗吓點用!

港姐季軍邵初在台慶夜第一個中一萬元大利是,搶了頭彩,她打算將好運氣與大家分享,用一萬元買魚蛋,但擔心未必夠分。至於冠軍宋宛穎首次擔任台慶司儀表現淡定獲讚,她覺得全賴有汪明荃和鄭裕玲兩位阿姐照顧,希望大騷陸續有來!

應屆港姐冠軍宋宛穎、亞軍梁凱晴、季軍邵初及最上鏡小姐楊培琳,聯同歌手鄭俊弘和伍富橋昨日到將軍澳一間小學出席《愛心曲奇暖萬家》活動。邵初於台慶抽中一萬元利是,笑言利是尚未到手:「未諗好點樣用。(請食飯?)會呀!不過如果全部人一人一粒魚蛋,我都唔知夠唔夠,所以攞咗之後再從長計議。」她自爆從無抽獎運,故當晚宣布她的名字時,也不禁嚇親,認為是選港姐後開始行運。

宋宛穎做司儀向前輩偷師

在台慶夜首次擔任司儀的宋宛穎,獲網民大讚表現亮眼淡定,她開心地說:「真係㗎?我未睇大家評論,都想知大家點睇,原來有咁多好聲音。(下次再挑戰做大騷司儀 ?)想呀!想吸取多啲經驗,愈做愈好。」即使拍住汪明荃和鄭裕玲等前輩,也沒有太緊張,她說:「因為有綵排,大家熟落咗,唔係太緊張,佢哋都好照顧我,係我嘅學習對象,成日向佢哋偷師學口才。」她表示之後會出席保良局和東華兩個大騷,問到可想再做司儀,她即說:「好啊!」

對於做司儀,邵初和梁凱晴均表示有機會也想嘗試不同工作,楊培琳亦想挑戰自己的不足:「我對住多人就會唔夠膽講嘢,所以要吸取多啲經驗、練多啲先得,自己未試過做司儀,都會同幾位港姐傾多啲,講嘢自然啲。」

楊培琳(左起)、梁凱晴、宋宛穎及邵初出席慈善活動。
楊培琳(左起)、梁凱晴、宋宛穎及邵初出席慈善活動。