閨蜜暑假必去打卡!大角咀利奧坊週末衣櫃市集!KOL義賣衫低至50蚊件!

·3 分鐘文章

暑假咁熱梗係要留喺有冷氣嘅地方消遣啦~大角咀利奧坊繼復活節之後,推出今年第二彈市集企劃,喺 7 月 3 日至 4 日及 7 月 10 日至 11 日舉行【利奧坊Square Mile「傳統 x 新造」週末衣櫃市集】,將傳統衣飾以時尚品味演繹,延續傳統工匠嘅裁剪手藝,一眾fashionistas展現自我世代。除咗體現香港傳統價值之外, 利奧坊市集 今次邀請到超過20位人氣KOL捐出屋企嘅珍藏衣物進行義賣,部份收益將會捐贈俾本地慈善機構,真係好有意義啊~

# 利奧坊市集 看點1:超過20位人氣KOL參與

利奧坊Square Mile「傳統 x 新造」週末衣櫃市集希望藉著KOL嘅影響力推動社會環保意識,超過20位人氣KOL (包括小花 – 譚杏藍、ROSE MA – 馬俊怡、No7 – 顏后君、鄧月平等) 將會來一場「斷捨離」,捐出屋企嘅珍藏衣物進行義賣。透過義賣去喚醒大眾對於永續生活嘅認知,而義賣收益及回收衣物將會捐贈予本地慈善機構「一口田慈善教育基金」,代為轉贈衣物予社會上有需要人士,環保又可以幫助有需要人士!

# 利奧坊市集 看點2:體現「傳統 x 新造」嘅文化價值

利奧坊聯同本地品牌「Pause & Ponder 環保服飾」打造專屬潮服,創辦人黃桂香(Alice)糅合現代風格重新演繹傳統服裝,包括以傳統棉衲升級改造成的時尚外套及以牛仔布打造的傳統旗袍服裝,於市集中展出。利奧坊Square Mile 邀請本地以改造環保潮流服飾的品牌參與,當中包括「嫣裳記」、「LoveyCathy」及Dee Tsang。利用設計職人巧手改造服飾,賦予服飾第二生命,帶動升級改造環保潮流。

# 利奧坊市集 看點3:港式呃like打卡位

現場更特設充滿港式情懷嘅創意打卡位,包括糅合傳統麻雀元素特別打造嘅「巨型麻雀館」,並精選生活中嘅「潮語」拼湊成「廣東話潮語骰仔」,傳統創新元素共冶一爐,充滿共鳴!

只要大家帶同任何一件衣物到市集現場捐贈,即時送你HK$20週末市集現金券乙張,快啲去市集行下啦!

利奧坊「傳統 x 新造」週末衣櫃市集活動詳情

日期:2021年 7 月 3 日(星期六)至 7 月 4 日(星期日)及 7 月 10 日(星期六)至 11日(星期日)
時間:中午12:00至晚上8:00
地點:大角咀利得街11號利奧坊一樓
詳情:https://www.squaremilehk.com.hk/en/event.html?id=1716

The post 閨蜜暑假必去打卡!大角咀利奧坊週末衣櫃市集!KOL義賣衫低至50蚊件! appeared first on Beauty 女生專屬|GOBA.

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能