關乎羅浩銘性命 江嘉敏飄移有壓力

江嘉敏以「壞男人」形容飄移。
江嘉敏以「壞男人」形容飄移。

江嘉敏與羅浩銘將於《歡樂滿東華》挑戰危險性甚高的飄移項目,昨日他們於元朗練習。穿上保護衣的羅浩銘爬上車頂,江嘉敏則駕駛戰車,在預先灑水的濕滑場地進行飄移,見男方全程用雙手捉實車頂,非常驚險。江嘉敏笑言最初以為自己負責做乘客:「以為係面不改容咁坐吓車,點知嚟到先知要揸車,自己揸都冇所謂,只係對自己負責,但依家阿銘嘅性命喺我手上,唔多唔少有啲壓力。」

問到今次飄移表演是否很困難?她說:「起初有啲沮喪,我揸咗5分鐘就同師傅講『我駕馭唔到呢個壞男人』,哈哈!」

羅浩銘全程用手捉實車頂,睇見都牙煙!
羅浩銘全程用手捉實車頂,睇見都牙煙!