關智斌後悔Hea做2年冇嘢撈

東方日報
·2 分鐘文章
關智斌改掉「不上心」的壞習慣,現時每次工作都全力以赴。
關智斌改掉「不上心」的壞習慣,現時每次工作都全力以赴。

被封為「美男子」的關智斌自爆年輕時對工作不上心,呆在家中2年「留白」,自責後悔不已。他明白人生總要經歷低潮,才學會珍惜,所得的一切都不是必然。

繽FUN星網全新節目「金鈴12星Ⅹ萬希泉」,一連12集訪問不同星座的藝人,由「金槌拍賣官」金鈴主持,最新一集嘉賓是山羊座的關智斌(Kenny)。Kenny坦言自己以前的行動力很差,甚至有「拖延症」,對工作不上心:「可能因為細個,無論入錄音室、片場拍戲,都覺得係一個工作,唔會有要求自己進步嘅動力。」其後他明白作品會跟自己一世,他說:「睇番自己啲戲或聽番歌,有冇盡力自己心中有數,會因為咁而後悔。」

隻身北上一腳踢

Kenny自爆試過2年呆坐家中,近乎零工作,明白歸根究柢是自己的根基不夠扎實:「人係應該要經歷呢啲時刻,有高高低低,先意識到原來之前嘅努力係曇花一現,只係泡沫。坐咗2年,冇理由再坐20年咁樣㗎喎!」幸好當時有導演邀他到內地拍電視劇,他意識到要珍惜每個機會。早年在珠海開工,當時沒有助手同行,他說:「我要自己收通告,自己Mark番嗰啲場次,甚至要自己訂船飛、學Set頭化妝。要試過呢啲經歷,先知道以前嗰啲唔係應份嘅。」

接受上天考驗

過去事業上曾遇上少許挫折,但他處之泰然說:「可能係上天想畀條更適合嘅路我,雖然行遠咗,或者有啲轉折,但可能出嚟結果係意想不到,可能更精彩。」

關智斌接受金鈴訪問,暢所欲言。
關智斌接受金鈴訪問,暢所欲言。