關注關注組丨鄧梓峰夥拍「後生女」拍J2節目夠新鮮 曾大講巴斯光年笑話證幽默感

《關注關注組》截圖
《關注關注組》截圖

C君上任J2台創意總監後進行大革新,18個全新綜藝節目起用23位年輕新人「J2ers」,仲話自己唔落場係因為一班J2ers已經好好睇。不過,其中一個節目《關注關注組》就搵嚟鄧梓峰坐鎮,夥拍《#後生仔傾吓偈》嘅杜穎珊(Sandy)、陳欣茵、王虹茵(Sharlene)深入討論各類型「關注組」話題。

近年網上興起一股「關注組」熱潮,《關注關注組》逢星期二晚上11時播映,藉美食、娛樂、興趣,以至感情狀態嘅關注組專頁作出討論,並Fact Check谷內情報。日前(21日)播出首集就以「燒賣」為主題,鄧梓峰仲喺節目中首次食炸燒賣,與J2ers一致認為試咗一啖返唔到轉頭。眼見鄧梓峰被一班「後生女」包圍,網民表示呢個組合夠新鮮特別。不過亦有網民指,其餘3位主持經常吱吱喳喳,與鄧梓峰過往擔任司儀感覺大不同;鄧梓峰直言,自己已喺翡翠台30年,都想試吓J2風格,表示欣賞《搵鬼去電視城》、《野外步出》、《鬼上你架車》等節目。雖然有著年齡差距,但鄧梓峰認為自己可向年輕人分享香港生活多年嘅體驗;遇上唔熟識嘅話題,一班年輕人都會教返佢轉頭,又指首次合作唔算有火花,希望慢慢建立默契。

鄧梓峰一直被指貌似「巴斯光年」,藉《光年正傳》上映之際,鄧梓峰獲電影公司送上《光年正傳》禮物盒,當中包括今集一直陪伴巴斯光年嘅貓貓機械人襪仔(Sox),以及一隻巴斯光年玩具;鄧梓峰風趣地表示:「對住呢套玩具,心情有啲矛盾,冇理由玩返自己㗎!」鄧梓峰亦曾與YouTube頻道「小薯茄」合作拍攝「雪櫃冷笑話」,鄧梓峰於IG分享影片,問及「知唔知巴斯光年老咗之後會變咩?係巴斯中年!」又帶領大家講口號:「巴斯光年,一飛衝天!」此等行為亦證明鄧梓峰並非想像中嚴肅。

《關注關注組》截圖
《關注關注組》截圖
《關注關注組》截圖
《關注關注組》截圖
《關注關注組》截圖
《關注關注組》截圖
鄧梓峰
鄧梓峰
鄧梓峰
鄧梓峰
鄧梓峰
鄧梓峰
鄧梓峰
鄧梓峰
鄧梓峰
鄧梓峰
鄧梓峰
鄧梓峰
鄧梓峰
鄧梓峰
鄧梓峰
鄧梓峰

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能