阮兒自爆有人追唔急決定

東方日報
·2 分鐘文章
雖然天氣漸暖,不過阮兒為了劇情需要,仍要包到冚上陣。
雖然天氣漸暖,不過阮兒為了劇情需要,仍要包到冚上陣。

阮兒早前頻頻生蛇,2、3年間生了10多次,令她患上輕微抑鬱。說到海灘重開,她希望穿泳衣到沙灘享受一下,回復單身的她坦言有人追呢!

藝人阮兒、曹永廉及譚俊彥(Shaun)昨日於上環為無綫劇集《十八年後的終極告白2.0》拍攝,由於劇情需要,縱使天氣炎熱,阮兒都要「密封式」造型上陣。她透露這2、3年間壓力大,身體較差,腰部及臉部經常生蛇,令她痛苦不堪。她說:「生咗10幾次,有一期好嚴重,好辛苦,感覺好似畀火燒咁,引致有輕微抑鬱,睇咗10幾個皮膚科醫生,打咗2、30次Laser,好在依家冇再發。」

阿廉瞓床見頭暈

之前跟拍拖3年的衞志豪分手,現時單身的她坦言有人追求,並謂:「好Welcome,不過順其自然啦!依家唔係18、22,唔會咁快下決定,不過好多朋友都有介紹男仔畀我識。」說到海灘重開,她笑言:「依家努力減番啲肥膏先,雖然比之前瘦咗,但想再瘦啲,平時有做gym、打拳,都想今年去沙灘着吓泳衣。」

而阿廉透露之後會開古裝新喜劇,與周嘉洛、JW合作,更有不少動作打戲。問會否難到他時,他笑說:「自己手腳向來唔協調,事前都要鬆吓啲筋骨先,不過有時我都專登唔打咁好,費事畀人定位我係武打明星。」2年前他曾患上耳水不平衡,日前拍一場瞓床戲時再度病發:「我瞓咗3分鐘開始頭暈,我同導演講可唔可以拍咗我先,工作人員都即刻幫我準備嘔吐袋。」

譚俊彥安樂晒

Shaun明顯比之前瘦削,他坦言因忙於拍攝,每天只有4小時睡覺:「都開得好密,阿囡畢業禮影相我都去唔到。(阿囡升小一?)係呀!好在考到我哋心儀嘅學校,大家都安樂晒,老婆安樂晒係因為終於搞掂,我安樂晒係因為老婆唔會跳掣。」

曹永廉與譚俊彥昨日到上環住宅區拍外景。
曹永廉與譚俊彥昨日到上環住宅區拍外景。