防出貓 學校要考生頭笠紙皮箱應試

19+

 

有考試嘅地方,就有出貓嘅可能。

 

《出貓特工隊》咁高層次嘅手法未必成日出現,

不過「射喱眼」、貓紙、古惑間尺呢啲,

咩年代都有人用過。

 

印度南部一間高等院校,為免學生出貓,

佢地嘅預防措施係……

 

每位考生帶住一個前面開咗窿嘅紙皮箱喺頭,

咁就唔怕佢地偷睇隔離位啦。

 

嗱,係咪學生玩架咋?

唔係噃,呢張相喺網上瘋傳之後,學校承認真有其事,

並且向公眾道歉。

校方解釋,因為知道其他學校都有咁做,

於是想試驗一下……

而且強調係自願性質,有學生自己帶個箱應試添。

學校仲話,相入面有學生冇帶住個箱,

又或者帶咗陣就除,都可以繼續考試,不過唔會再有咁嘅安排。

當地教育局已經要求學校解釋事件,並且割席表明冇要求校方咁做。

 

呢間咁有創意又大膽嘅學校,做錯事又肯承擔,真係教育界嘅清泉呀。

原文傳送門

你可能還想看