雅虎香港新聞 阿仔的生日禮物 爆笑老豆一錯再錯出晒事 結局竟然係咁……
可憐天下父母心，湊仔搞掂日常起居飲食已經唔嘢少，大小佳節加埋生日，仲要花心思搞花臣，忙過打工？打工都有糧出呀喂！ 內地有位老豆就講咗個送生日禮物俾阿仔嘅故事，曲折得嚟好好笑。 是咁的，熱愛藍色車、4歲大嘅阿仔都係想要藍色車做生日禮物，因為之前已經買過太多，連老豆都覺得悶，就同個仔協議︰去玩具店，任佢買藍色車以外嘅玩具做禮物。
結果阿仔揀咗玩具店門日一隻大人咁高嘅長頸鹿。
瀨嘢，一來阻地方，二來好難洗。 不過爸爸好快就發現好處……就係用來晾衫同埋「了」卡住咗嘅飛機。
但係阿仔要同長頸鹿瞓，爸爸只可以捲埋一舊。
天才爸爸就趁個仔返學之際，「肢解」隻長頸鹿。
個頭可以拆出來，咁阿仔瞓著之後就可以偷偷拎走個身， 爸爸有覺好瞓，長頸鹿個身就梗係拎嚟放衫啦。
因為太成功，沾沾自喜嘅爸爸連長頸鹿對腳都改裝埋。因為太成功，沾沾自喜嘅爸爸拎隻長頸鹿去洗。 出事啦。
爸爸再出招，將爛晒嘅長頸鹿改成……
阿仔唔收貨。因為之前太成功，沾沾自喜嘅爸爸以為自己可以DIY一隻長頸鹿，就搵朋友幫手印塊有長頸鹿圖案嘅布，諗住塞啲棉花縫埋就得。
結果因為對話內容溝通出錯，朋友印咗堆咁嘅嘢出嚟。阿仔終於都係得到藍色車車……嘅被袋！
故事嘅重點嚟嘞︰原文作者係內地有名「段子手」（即係寫吓短gag潮文嘅網絡作家，好似係），而呢篇係廣告！
竟然可以由買玩具帶到去車展，嗰種扭橋方法，都算係出奇不意。搞社交媒體市場推廣嘅朋友，唔該學吓嘢，唔好仲以為hard sell寫晒產品特質就刺激到銷量，唔該。原post傳送門
