阿嬌忽然暴脹有原因 一日五餐食到嘔

阿嬌忽然暴脹有原因 一日五餐食到嘔
阿嬌忽然暴脹有原因 一日五餐食到嘔

藝人鍾欣潼(阿嬌)早前因為參與綜藝節目《怦然心動20歲》,突然暴肥嘅畫面迅即成為全城熱話,隨後佢每次現身均被指有巨躉及凸腩,網民評語好壞參半。

阿嬌因為現身節目時忽然脹成個碼,即被網友笑佢身形大不如前。
阿嬌因為現身節目時忽然脹成個碼,即被網友笑佢身形大不如前。

據知阿嬌身形突然暴脹,原來係因為有新電影開拍,類近多年前嘅韓國電影《醜女大翻身》,並加入新元素,由於內容屬商業秘密,所以有關嘅參與者均未能向外界透露細節。今次阿嬌為新戲角色豁出去,拋棄女神形象,為達到戲中角色嘅磅數,刻意增磅,一日最少食五餐,暴飲暴食,增肥過程亦相當痛苦,阿嬌試過食到嘔,又試過食到胃痛、胃抽筋,最近終於有所「成績」變冇頸嘅肥妹。

韓國電影《醜女大翻身》講女主角由肥妹減肥後變成靚女。
韓國電影《醜女大翻身》講女主角由肥妹減肥後變成靚女。
原來佢係為新片增磅,先會搞到咁。
原來佢係為新片增磅,先會搞到咁。
唔知佢個係咩角色呢?!
唔知佢個係咩角色呢?!

阿嬌表示接到劇本後都有所考慮,但覺得同時亦係一個機會:「好開心可以挑戰不同的東西,剛好平時也喜歡吃,這次可以名正言順的肥。但事實在這個增肥過程中,也是一件很困難、很辛苦的事。其他內容因為簽了保密協議,所以也不便透露。」