【阿Bob酒後事件簿】咀過邊個男藝人?叫邊個「收皮」?

·3 分鐘文章
【又飲醉】阿Bob酒後事件簿 邊個男藝人畀佢咀過?
【又飲醉】阿Bob酒後事件簿 邊個男藝人畀佢咀過?

喺何雁詩同鄭俊弘嘅婚宴,相識滿天下嘅阿Bob(林盛斌)當然有份去飲,亦都當然「不負眾望」又飲醉!有記者聽到阿Bob喺餐廳內多次大聲爆粗,又影到佢走時要人攙扶,相當盡興。阿Bob唔止一次飲大兩杯就出事,試過有男藝人畀佢咀,甚至有傳搞到爭啲動粗,似乎要留意吓好喎。

事件一︰張繼聰屋企搞事

【又飲醉】阿Bob酒後事件簿 邊個男藝人畀佢咀過?
【又飲醉】阿Bob酒後事件簿 邊個男藝人畀佢咀過?

2017年初,張繼聰喺大埔豪宅屋企邀請圈中一班朋友搞團拜,黃宗澤、蕭正楠、細So等人都到場。當時阿聰老婆謝安琪仲陀緊細女,但係有傳嗰晚阿Bob飲多咗之後,喺張繼聰屋企周圍食煙又大聲講嘢,搞到大肚Kay要下逐客令,要幾個朋友「夾」佢走先掂!事後謝安琪否認有嬲阿Bob,仲話兩公婆都好愛佢,只係嗰晚傾小朋友讀書傾到好夜,仲煮埋麵俾阿Bob食完先走喎。而阿Bob亦否認有「掃場」。

事件二︰錢國偉婚宴搶咪 畀陳小春追打

【又飲醉】阿Bob酒後事件簿 邊個男藝人畀佢咀過?
【又飲醉】阿Bob酒後事件簿 邊個男藝人畀佢咀過?

2015年錢國偉同陳宛蔚嘅婚宴,有報導話飲醉酒嘅阿Bob,喺一班「古惑佬」台上唱《友情歲月》嘅時候衝上台,搶咪之餘仲爆粗,據講因此辣著兄弟團成員陳小春,仲出手追打阿Bob。散席後記者問另一位兄弟林曉峰,佢就話「有人衝上台講幾句『恭喜發財』咁囉」。第二日阿Bob酒醒後知衰,承認「斷晒片」同失控,事後有向小春及錢國偉道歉。

【又飲醉】阿Bob酒後事件簿 邊個男藝人畀佢咀過?
【又飲醉】阿Bob酒後事件簿 邊個男藝人畀佢咀過?

事件三︰一咀再咀梁競徽(梁烈唯)

【又飲醉】阿Bob酒後事件簿 邊個男藝人畀佢咀過?
【又飲醉】阿Bob酒後事件簿 邊個男藝人畀佢咀過?

其實喺錢國偉婚宴上飲醉嘅阿Bob,離場時喺記者面前咀咗扶佢走嘅梁競徽(當時仲係叫梁烈唯)三啖,係錫咀喎!其實同年4月演藝人協會晚宴後,阿Bob已經咀過拖佢走嘅梁競徽同王梓軒,似乎係指定動作。

事件四︰借醉叫安德尊「收皮」

【又飲醉】阿Bob酒後事件簿 邊個男藝人畀佢咀過?
【又飲醉】阿Bob酒後事件簿 邊個男藝人畀佢咀過?

另一次出事婚宴係喺2013年張美妮嘅大喜日子,有傳當晚司儀係「大王」安德尊,不嬲大王都係聲大大炒熱氣氛,飲到high high哋嘅阿Bob居然對住大王大聲叫佢「收皮」!新娘子張美妮為免搞大件事,著住晚裝都衝出嚟擺平件事。據聞阿Bob同大王事後被TVB安排合作拍節目,因為之前埋下不和伏線,拍嘢度橋期間大王梗係食住上,甚至傳話佢地終於要爆,喺鏡頭後大打出手,結果被高層召去「深切了解」。

【相關搜尋】醉酒駕駛藝人合集