阿Sa冧姜濤:我生得佢出

阿Sa透露Twins暫定明年開騷,考慮不請嘉賓。
阿Sa透露Twins暫定明年開騷,考慮不請嘉賓。

蔡卓妍(阿Sa)與「小鮮肉」姜濤合作拍廣告,阿Sa笑言生得出對方,並讚姜濤高大靚仔又可愛,不過她未想過做人母,並指因疫情關係,不想BB出世就要戴口罩!

阿Sa最近與姜濤合作拍廣告,前晚一齊現身發布會,期間阿Sa自嘲年紀大,可以做姜濤母親:「我1982年出世(38歲),佢1999年(21歲),計過真係生得佢出,搞到一起身狂碌面,幾大壓力呀!」早前已雪卵的她表示未想當媽媽:「唔想生個小朋友出嚟,第一件事係戴口罩,遲啲再諗。你知女人好善變,呢刻唔想,唔知將來點。」

驚被批扮後生

提到今年是Twins出道20周年,預計明年開騷,她笑言想跟組合MIRROR或ERROR合作,但擔心被外界指她扮後生:「今次拍完廣告,都覺得自己後生咗。」又稱考慮演唱會不請嘉賓。對於早前有女粉絲涉嫌刑毀恐嚇一案,阿Sa表示案件已進入司法程序,故不作回應。

唔介意拍M巾廣告

而姜濤表示拍廣告前一晚,開心又緊張,曾幻想與阿Sa的拍攝過程,但最終2人分開拍,不過他亦有探對方班。他又指小時候有聽Twins的歌,但未睇過演唱會,因零用錢全花在零食和遊戲卡。又坦言最想睇自己與隊友的演唱會,會以觀眾角度欣賞。有指他半年狂拍50個廣告,他笑言很多支票仍未收到,但不擔心經理人花姐「落格」,笑言有錢賺,願意拍任何類型廣告,包括內褲及女性衞生用品,但建議Key自己的頭在大隻隊友Stanley和Alton身上。

姜濤大嘆與阿Sa分開拍廣告。
姜濤大嘆與阿Sa分開拍廣告。
阿Sa無意生育,不想BB出世要戴口罩。
阿Sa無意生育,不想BB出世要戴口罩。