《陀槍師姐2021》宣萱不再演女強人 5段公開感情均未能開花結果

《陀槍師姐2021》宣萱不再演女強人 5段公開感情均未能開花結果
《陀槍師姐2021》宣萱不再演女強人 5段公開感情均未能開花結果

宣萱除咗係「御用人質」之外,佢亦飾演過唔少女強人角色,例如《不懂撒嬌的女人》MALL姐及《使徒行者2》施嘉莉,所以佢亦俾人一種堅強及好有主見嘅感覺。今次佢喺《陀槍師姐2021》中飾演怕開槍嘅「傻大姐」女警戴安娜,唔知網民係唔係睇唔慣呢個宣萱,所以都紛紛留言話佢演釋得唔太適合同冇說服力。現年50歲嘅宣萱已經入行廿八年,到而家都仲係單身,一個人活得自在。其實宣萱入行至今公開過5段感情,而家就同大家回顧一下啦!

1993年,宣萱為劇集《龍兄鼠弟》進行拍攝,期間與同劇拍檔張衞健結緣,不過兩人一齊咗兩年就分手。有指原因係張衞健接受唔到宣萱事業比佢好,後來產生好多磨擦而分手。

1996年宣萱認識咗中信泰富主席榮智健嘅堂姪榮文瀚,佢哋拍拖6年亦去到談婚論嫁階段,可惜對方想佢照顧家庭相夫教子,而佢就選擇事業,最後分手收場。

2003年宣萱同牙科醫生陳建緯拍拖,佢當時為男朋友推咗唔少工作,但可惜兩年後亦分手收場。

2009年宣萱同細佢4歲嘅外籍獸醫拍拖,兩人一齊出席公開場合,又去南非見男方家長,但兩年後二人因價值觀不同而分手。

2014年宣萱識咗意大利型男Fran,不過一齊兩年後又分手。

早前接訪問時,宣萱話其中兩段感情分手係同第三者有關,其中一次比較深刻嘅係發現男友未放低前女友,佢仲大方幫佢哋復合。另外,佢亦試過俾驚喜男友,點知發現男友用溫柔暖昧嘅聲線講電話,先知對方偷食。

《陀槍師姐2021》截圖
《陀槍師姐2021》截圖
宣萱 & 張衛健(網絡圖片)
宣萱 & 張衛健(網絡圖片)

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!