《陀槍師姐2021》宣萱難以取代「娥姐」位置 首屆視后關詠荷放棄事業專心相夫教女

·2 分鐘文章
《陀槍師姐2021》宣萱難以取代「娥姐」位置 首屆視后關詠荷放棄事業專心相夫教女
《陀槍師姐2021》宣萱難以取代「娥姐」位置 首屆視后關詠荷放棄事業專心相夫教女

無綫新劇《陀槍師姐2021》正在熱播中,《陀槍師姐》系列絕對係唔少人嘅回憶,可惜靈魂人物「娥姐」關詠荷已經無再參演,今輯改為宣萱做女一。雖然宣萱都好好戲,但唔少人都認為佢好難取代元祖陀槍師姐「娥姐」。

關詠荷於1987年加入亞視,入行後隨即備受力捧,1992年因拍攝亞視劇集《龍在江湖(李小龍傳)》與張家輝認識並相戀。之後,關詠荷於1993年過檔無綫拍劇,仲差唔多套套都係做女一,例如《河東獅吼》、《苗翠花》、《醉打金枝》、《金裝四大才子》、《美味天王》、《陀槍師姐》等等,當中更憑《苗翠花》成功於1997年奪得首屆《萬千星輝頒獎典禮》視后,除咗演技得到肯定之外,亦令佢成為當時無綫灸手可熱嘅花旦。喺2000年,關詠荷與張家輝首次以情侶檔身份參演無綫劇集《金裝四大才子》,得到唔少觀眾喜愛。

關詠荷與張家輝嘅感情並唔係一帆風順,有指當年嘅關詠荷貴為一線花旦,而張家輝只係個三四線演員,唔少人都笑佢癩蝦蟆想食天鵝肉,最終令到二人分手。張家輝更患上抑鬱症,隻身去南非8個月,但關詠荷並冇放棄,一直默默等待張家輝返嚟。後來張家輝姐姐患上重病,張家輝返港後發現關詠荷一直代為照顧,最終二人重歸於好。喺2003年佢哋結束愛情長跑註冊結婚,2006年更誕下囡囡Brittany。關詠荷為家庭選擇放棄事業,漸漸淡出幕前,而2013年嘅《情逆三世緣》就成為佢嘅告別作。所以老公張家輝喺攞金像獎影帝時都特別多謝老婆關詠荷為屋企嘅付出,咁佢先可以將所有精力投放係演戲上,更甜爆話太太關詠荷係佢喺娛樂圈最大收穫。

《陀槍師姐》劇照
《陀槍師姐》劇照
《金裝四大才子》截圖
《金裝四大才子》截圖
關詠荷
關詠荷
張家輝&關詠荷
張家輝&關詠荷
《陀槍師姐》截圖
《陀槍師姐》截圖
《陀槍師姐》截圖
《陀槍師姐》截圖

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!