除了有黑雨、紅雨、黃雨外,原來仲有綠色暴雨警告!

·2 分鐘文章
暴雨警告 黃雨 紅雨 黑雨 天文台
暴雨警告 黃雨 紅雨 黑雨 天文台

今朝天文台分別在早上7時以及8時多發出紅雨和黑雨,令有些返晏的打工仔,突然享有半天的黑雨假期。雖然如此,亦有些返早的打工仔大感不滿,紛紛到天文台Facebook專頁留言指太遲掛黑雨,市民早已出門上班,更質疑天文台「玩嘢」!到底天文台係唔係真係「玩嘢」?一齊睇下天文台所訂立嘅暴雨警告系統,係咪真係合乎事實?

暴雨警告 黃雨 紅雨 黑雨 天文台
暴雨警告 黃雨 紅雨 黑雨 天文台

「暴雨警告信號」發放準則

「黃色暴雨警告信號」表示香港廣泛地區已錄得或預料會有每小時雨量超過30毫米的大雨,且雨勢可能持續;「紅色暴雨警告信號」表示香港廣泛地區已錄得或預料會有每小時雨量超過50毫米的大雨,且雨勢可能持續;「黑色暴雨警告信號」表示香港廣泛地區已錄得或預料會有每小時雨量超過70毫米的豪雨,且雨勢可能持續。系統睇落相當合理,但原來呢個系統對上一次更新已經係1998年!即係已經20年冇更新過~

暴雨警告 黃雨 紅雨 黑雨 天文台
暴雨警告 黃雨 紅雨 黑雨 天文台

原來仲有「綠色暴雨警告信號」?

原來香港早期嘅暴雨警告唔單止得黃紅黑,仲有綠色!喺1992年,暴雨警告系分綠色、黃色、紅色及黑色四個級別。第一階段嘅綠色、黃色暴雨警告只帶有預報成份,僅向政府部門及、公共服務機構發出;而第二階段嘅紅色、黑色暴雨警告,就會根據香港實際錄得嘅雨量而發出,並向市民公開發布。

暴雨警告 黃雨 紅雨 黑雨 天文台
暴雨警告 黃雨 紅雨 黑雨 天文台

「綠色暴雨警告信號」取消了嗎?

天文台就話,其實並冇取消咗綠色暴雨警告,因為當年綠色及黃色暴雨警告都未曾公開,直至1998年,先加入會對外公布的黃色暴雨警告,所以綠色暴雨警告對市民嚟講,一直都冇存在過。

更多相關文章:

【香港好去處】自製土耳其燈、珍珠首飾、吹玻璃!本地D.I.Y工作坊推介

英倫移民Janine Miu#59【永居年期也有時限?】

【減肥都食得】營養師公開茶餐廳5大輕盈之選:魚蛋米粉、海南雞飯,仲有...


Follow she.com on Facebook & Instagram

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能