陪月開page講辛酸史 新手媽勁污糟 麻煩奶奶阻住晒
生仔,係勁嘅。坐月一個月唔吹得風唔食得生冷嘢乜都唔得,係勁嘅。冇得瞓仲要餵夜奶,係勁嘅。 不過更勁嘅,可能係一班陪月姨姨。湊B之外,仲要湊埋個新手媽,同埋一班親朋戚友……有位陪月姨姨就開咗個page自爆辛酸史,最得人驚係……有個新手媽媽,唔沖得涼,搵工人姐姐抹身,都算。佢話自己開刀生,連大小二便都唔落床,產後惡露漏出嚟又唔理,呢句形容得好貼切︰「新手媽媽條睡褲,深深淺淺既血漬,如果佢5郁,我諗我估佢應該係被人殺死左架喇!」 喂,乜香港啲阿媽唔係成日用濕紙巾抹個B啲手腳同餐具咩?點解呢個新手媽咁唔衛生?因為新手婆婆都係咁,佢話自己一家都係幾日沖一次涼……仲慳到連片都要爆先換,搞到個B俾便便「醃」親。
污糟媽以外,仲有麻煩奶奶。另一個客,位奶奶超「long嚟」,做咩都窒住晒,煮飯又睇到實。陪月幫BB沖涼前見個B瀨咗屎,想換片之際,一嘢的咗個B入廁所,抹都唔抹就浸個B落水,然後用屎水幫BB沖涼…… 呢位要人叫佢「陳小姐」嘅奶奶話︰你地手腳咁慢,會冷親阿B! 阿媽偉大,陪月都好值得尊敬。btw睇完呢個page,我更加認為生仔真係要考牌!!!原post【相關搜尋】坐月禁忌
19+精選推介
秒like 19+ Facebook!