陳偉琪憑《愛‧回家》細龍太入屋 與外籍男友當街錫錫愛得癡纏

·2 分鐘文章
陳偉琪憑《愛‧回家》細龍太入屋 與外籍男友當街錫錫愛得癡纏
陳偉琪憑《愛‧回家》細龍太入屋 與外籍男友當街錫錫愛得癡纏

無綫處境劇《愛.回家之開心速遞》收視及口碑不俗,唔少藝員更憑劇中角色成功入屋,例如飾演細龍太嘅陳偉琪(Vicky)。可惜佢前年因醉駕而停工,喺停工期間又被影到去夜蒲咀外籍男,有傳因為咁激嬲無綫要被雪藏,連《開心速遞》劇組都要離開,細龍太都被安排遠飛美國。既然被雪藏,佢嘅工作量當然係極少,不過好彩就有男朋友陪住。今日仲有報道指陳偉琪同外藉男朋友仍然愛得癡纏,喺行街期間Vicky仲拉低口罩索吻。

報道指早前陳偉琪一改平時戰鬥格嘅衣著,改著吊腳長褲,再加上deep V上衣,36E身材表露無遺。喺行街期間,佢哋一邊行一邊掃背外,Vicky仲主動拉低口罩想錫錫,男友當然忍唔住除低口罩,二人就嚟個蜻蜓點水式錫錫。之後,因為外藉男友要返工,所以佢哋只好各行各路。性格爽朗嘅Vicky,一向都酒不離手,更多次因為醉駕及夜蒲俾記者影到,但近排佢好似一改常態,唔飲酒改飲咖啡,一邊飲一邊傾計, 仲不時開心大笑。睇嚟呢位男朋友令佢改變唔少啊。

29歲嘅陳偉琪畢業於加拿大英屬哥倫比亞大學哲學系,11年參選華姐,13年再參選港姐,雖然三甲不入,但同無綫簽約後正式入行娛樂圈。入行多年嘅Vicky參演過唔少劇集,不過都係飾演閒角居多,例如《老表,你好hea!》、《實習天使》及《幕後玩家》等等。直至《愛.回家之開心速遞》飾演巴辣任性嘅「細龍太」Jenny,與鄭世豪飾演嘅Max成為螢幕情侶,深得觀眾喜愛。陳偉琪絕對唔係得個殼,佢精通兩文三語及好有音樂天份,係一位彈奏豎琴同鋼琴嘅八級高手。除此之外,佢仲好鍾意打排球同籃球,早前仲已經考埋健身教練牌,真係動靜皆宜呀!

陳偉琪
陳偉琪
鄭世豪 & 陳偉琪
鄭世豪 & 陳偉琪
陳偉琪
陳偉琪
陳偉琪 & 鄭世豪
陳偉琪 & 鄭世豪
陳偉琪
陳偉琪
陳偉琪
陳偉琪

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!