陳凱琳細仔出世 晒全家福報喜

·2 分鐘文章
鄭嘉穎與陳凱琳都係一副有子萬事足模樣。
鄭嘉穎與陳凱琳都係一副有子萬事足模樣。

現年29歲的前港姐陳凱琳,昨日宣布為老公鄭嘉穎誕下第二胎兒子Yannick,成功兩年抱兩!陳凱琳透露於疫情下生B過程順利,現時與BB已安全回家,而鄭嘉穎則親自公布二仔中文名字為「鄭承亮」。

鄭嘉穎與陳凱琳(Grace)於2018年拉埋天窗,去年榮升父母,誕下大仔鄭承悅(Rafael),並於今年5月公布懷有第二胎。原來二仔已靜悄悄出世,昨日Grace在社交網報喜,上載一張一家四口的全家福,畫面相當溫馨。Grace發文透露二仔的洋名為Yannick,並指他雖然比起預期早了出世,但慶幸母子平安,又分享升格做哥哥的大仔與弟弟相處融洽,希望他們能互相扶持,一同成長。而第二度做爸爸的鄭嘉穎則冧爆抱住囝囝狂錫,又留言:「細佬來了,母子平安,非常感恩。」

哥哥幫手照顧BB

Grace接受訪問時說:「BB係喺上個禮拜一7月27日出世,我同BB已經安全返嚟屋企,大家相處都好融洽,Rafa做咗哥哥好乖好幫手,幫我哋睇吓BB,大家都非常之安慰嘅!」她續指今次佗B因有了第一胎的經驗,做足心理準備,故整個懷孕至分娩的過程都非常順利,充滿喜悅,她又透露:「嚟緊會多啲休息,希望大家都安安全全留喺屋企,盡量唔好出街啦,自己坐月都喺屋企養番好個身體,多謝大家關心!」

而鄭嘉穎受訪時則表示二仔已取中文名「鄭承亮」,他說:「好開心,母子平安,依家冇乜嘢緊要過身體健康。二仔似老婆,鼻高高、面尖尖,似老婆好呀!最緊要佢身體健康,開開心心咁成長,已經心滿意足。」

Yannick鼻高面尖,似足陳凱琳。
Yannick鼻高面尖,似足陳凱琳。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能