陳卓賢開騷 想女友捧場

被視為「王子」的Ian,與公主合照啱晒Feel。
被視為「王子」的Ian,與公主合照啱晒Feel。

人氣男團MIRROR成員陳卓賢(Ian)昨日到商場出席活動,吸引逾千Fans「Hellosss」捧場,場面墟冚!期間他化身暖男,合照時烏身遷就Fans,又玩千人大合唱,其後又走近Fans堆,氹得她們暈晒大浪!

本月將與馮允謙舉行音樂會的他,對加場表示興奮:「場地仲轉咗去九展,呢個地方對MIRROR嚟講係好有歸屬感嘅舞台。(擔心炒飛?)都擔心,希望大家用正途買飛。(再加場?)時間太緊迫,應該唔會。(女友盧慧敏會捧場?)唔知,大家工作為重。(想唔想佢嚟?)希望大家都嚟啦!」