陳嘉倩怕滑潺潺 只愛毛孩 沈殷怡起勢玩蛇 烏龍養小強

李炘頤(左起)、沈殷怡、陳俞希及陳嘉倩大膽拿着蛇、壁虎等合照。
李炘頤(左起)、沈殷怡、陳俞希及陳嘉倩大膽拿着蛇、壁虎等合照。

沈殷怡昨日出席活動時與蛇為伴,坦言除了蚊子以外的生物都喜歡,相當大膽。同場的陳嘉倩則最怕滑潺潺質感的動物,但笑言有毛的例外。

ViuTV女神沈殷怡(Shirley)、陳嘉倩(Katherine)、李炘頤等昨日出席節目《蟲前有10個女仔》記者會,節目將於本月中播出,10位女藝人會在香港叢林搜尋昆蟲。記者會上,大會準備了幾位「動物嘉賓」陪靚女亮相,其中Shirley大膽玩蛇玩到不捨得放手,而Katherine只敢輕摸豹紋壁虎,面對蛇時即後退兼大叫怕怕,場面搞笑。Shirley表示自小已很喜歡生物,曱甴都不怕:「我細個捉啲昆蟲返屋企養,但阿媽同我揼咗,佢話:『嗰隻係曱甴!』」

寧願拍荒島求生節目

而Katherine表示喜歡的小動物只限於有毛種類,她說:「貓同狗都鍾意,但皮膚滑潺潺嗰種質感就好驚,今次係因為節目先第一次摸佢哋,好在有好多女仔陪壯膽!(咁魚呢?)觀賞可以,叫我攞上手就唔敢。(敢唔敢再拍同類節目?)要考慮,拍荒島求生反而可以考慮。」

另外,李炘頤早前被拍得與男友Stanley@MIRROR拍拖,更call其他好友同行玩低調,她解釋當日於淺水灣完成工作,於是相約家住附近的享樂團主音旨呈午膳,Stanley碰巧完成工作才加入,她強調公司對拍拖從沒給予壓力,二人感情亦沒有問題。

沈殷怡(左)玩蛇玩到唔想放手。
沈殷怡(左)玩蛇玩到唔想放手。