陳婉婷出擊搵Mr.Right 最緊要大食!

東方日報
·1 分鐘文章
陳婉婷下廚及做家務都有一手,自認會是個好女友。
陳婉婷下廚及做家務都有一手,自認會是個好女友。

「最索丫鬟」陳婉婷去年靠直播殺出血路,疫市下仍日賺5位數,新一年她強勢回歸公仔箱,亮相ViuTV真人騷《家務戰場》,陪觀眾過年。講到在節目苦練做家務,她坦言獲益良多,日前更活學活用洗邋遢。她自爆本身對下廚及做家務亦甚有研究,自認「GFable」是一個好女友,更坦言希望「脫單」:「真係好耐冇拍過拖,特別係上年經歷咗咁多起伏,加上自己年紀唔細,覺得係時候搵番個伴。(有男士埋身?)有嘅,但依家真係唔敢出嚟見面,因為屋企有老有嫩,我特別小心,連朋友聚會都少去,所以幾難識到異性朋友,希望遲啲有機會啦!(有咩擇偶條件?)我好鍾意食嘢,所以另一半一定要夠食得,好怕啲男仔仲細食過我。」