陳家樂為妹妹辦嫁妝

陳家樂見到咁多金器大晒心心眼,無非為妹妹辦嫁妝啫!
陳家樂見到咁多金器大晒心心眼,無非為妹妹辦嫁妝啫!

藝人陳家樂昨日為英皇珠寶新店任「明星店長」,因利乘便為妹妹辦嫁妝,笑言望她手下留情,勿令「大舅」未飲茶先「大出血」!談及同公司的關智斌終圓夢開個人紅館騷,他揚言必現身支持,但不會上台獻醜。

家樂身穿藍色西裝以「最帥Sales」現身西九龍V Walk為英皇珠寶店擔任「明星店長」吸客,面對琳琅滿目的鑽飾及金器,他乘機為胞妹做準備:「我有特別任務,就係幫妹妹買龍鳳鈪,佢上年註咗冊結婚,今年10月先擺酒。」家樂從未買過龍鳳鈪,妹妹亦信唔過其眼光,故稍後會親自到珠寶店「幫眼」,問到預多少錢買金飾,他笑言:「希望阿妹高抬貴手啦。(叫公司喺人工度扣數?)又扣?真係要努力工作先得!」

唔介意被爬頭

談及妹妹「爬頭」結婚,他直言毫不介意:「爬咗好耐頭啦,可能想生小朋友。(係咪雙喜臨門?)唔係,但可能係我都唔知。」問他何時有好消息?他說:「盡力啦,努力工作先,阿爸阿媽要抱孫就交畀阿妹。」

跳舞似大閘蟹

對於同門的關智斌(Kenny)前日宣布紅館演唱會「失而復得」,飛起「負皮王」張致恒單飛開騷,家樂直言替相識十年的Kenny開心,有信心好友個唱必一票難求,屆時他會捧場打氣。問可會上台任嘉賓?他謙虛的說:「冇呢個能力,無謂要我跳舞唱歌啦,我跳舞係零天分,當年SUN BOY'Z重組時,成員有陳偉霆、麥子豪同我,但我上咗三、四次跳舞堂後都放棄,公司都放棄。」更自嘲因手腳不靈活,以前跳舞似螃蟹,現進化到變大閘蟹。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能