陳展鵬單文柔 得閒肉搏

·1 分鐘文章
陳展鵬與單文柔在8號波下出動,拍拖睇戲。
陳展鵬與單文柔在8號波下出動,拍拖睇戲。

演員陳展鵬與太太單文柔前晚無懼8號風球,拍拖出席紀錄片《龍虎武師》首映活動,他笑言要多謝今次的颱風:「本身有兩套劇集要開工,因為打風取消咗,所以我哋可以拍拖嚟睇戲。龍虎武師喺我心目中好有意義,一嚟代表香港,二嚟自己平日都好多動作戲,當然我嗰啲係花拳繡腿啦。」問單文柔會否擔心老公經常拍動作戲易受傷?她說:「佢身手好敏捷㗎!我哋喺屋企間中會切磋吓。(邊個贏多?)梗係我啦,哈哈!」

《龍》片紀錄了眾多特技人背後辛酸的故事,有份擔任監製的錢嘉樂一家大細現身,劉偉強、程小東亦有到場支持。嘉樂指今次拍攝花了不少時間及心血:「多數係我親自邀請,好似程小東,佢未出過嚟做呢類嘢,同佢傾咗成個鐘電話。」

錢嘉樂偕妻女出席首映活動。
錢嘉樂偕妻女出席首映活動。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能