陳展鵬擔任新劇《隱門》男一力證視帝地位 同劇演員阮浩棕為「星三代」？

早前有指陳展鵬因續約問題扭計，不但被換掉新劇《隱形戰隊》男一位置，又指與張振朗喺《童時愛上你》因劇份問題釀成爭男一風波，洐生視帝地位不保嘅講法。不過最近就有消息指，陳展鵬將會開拍時裝懸疑劇《隱門》，以男主角身份夥拍黃智雯拍攝，同劇仲包括湯洛雯、吳岱融等演員，《隱門》除咗係TVB擅長嘅懸疑題材，演員陣容鼎盛亦教人期待，其中一位演員阮浩棕（Nicholas）更加係「星三代」。

阮浩棕出身自演藝世家，父親喺前亞視監製阮惠源，二叔阮惠熊喺麗的電視造型設計指導及演員，而嫲嫲就係已故資深藝人梁舜燕。阮浩棕畢業於香港名校喇沙書院及香港科技大學，透過第27期TVB藝員訓練班入行，以主持兒童節目為主；2017年曾經離巢到北京發展，出演過《招搖》、《七劍下天山之修羅眼》等劇集及電影，嚿年9月佢就重返TVB簽約邵氏兄弟，客串參演《愛．回家之開心速遞》，飾演「米剛」追求「熊心如」（蘇韻姿飾），又喺《我家無難事》一劇中飾演年輕版關禮傑。

阮浩棕對「星三代」身份一向低調，因為想靠實力睇下自己可以行到幾遠，入行時從未對外公開係梁舜燕孫仔，直至梁舜燕舉行入行六十年慶祝晚宴，阮浩棕為其擔任司儀先公開二人關係，阮浩棕仲係社交平台表示：「以『我係梁舜燕孫仔』身份感到自豪。」2019年梁舜燕逝世，阮浩棕亦發長文表達對嫲嫲嘅尊敬：「我應承妳嘅事亦會做好，因為我係妳嘅孫，亦因為我繼承咗妳嘅衣缽，所以我會努力捍衛妳嘅名譽。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！