陳展鵬新劇《逆天奇案》 賣點竟然係客串陣容 雙影后加視后仲有16年冇拍劇嘅朱健鈞

陳展鵬新劇《逆天奇案》 賣點竟然係客串陣容 雙影后加視后仲有呢班稀客
陳展鵬新劇《逆天奇案》 賣點竟然係客串陣容 雙影后加視后仲有呢班稀客
陳展鵬新劇《逆天奇案》 賣點竟然係客串陣容 雙影后加視后仲有呢班稀客
陳展鵬新劇《逆天奇案》 賣點竟然係客串陣容 雙影后加視后仲有呢班稀客

今晚開播嘅TVB新劇《逆天奇案》 ,拍起差唔多一年半先出街,不過睇牌面絕對唔似倉底劇!睇返卡士,男主角有視帝陳展鵬搭黃智賢,女角有林夏薇加馮盈盈,但係最強勁嘅都係客串陣容。

《逆天奇案》係向來收視有保證嘅查案劇,警隊主線人物互動以外,點少得一宗宗案件嘅單元。而TVB亦都落力搵外援幫手客串參演呢啲單元,以資歷計最勁嘅一定係兩位影后加視后︰羅蘭、鮑起靜同埋米雪。

鮑姐對上一次拍TVB劇已經係《法證先鋒IV》,亦係演案件單元角色,今次雖然都係主演幾集戲,但係要演失智症患者,有一場戲要靠獨白感動演律師嘅蔣祖曼,令佢幫自己個孫女案,因此監製劉家豪搵嚟演技精湛嘅鮑姐出手。而劇中其中一條主線係劉佩玥演嫁入豪門嘅泰國華僑,米雪就係演佢嘅同鄉,亦係單元主角之一。至於有份嘅影后係羅蘭姐,但暫時未知佢嘅角色設定。

就係呢場戲,鮑姐要說服蔣祖曼
就係呢場戲,鮑姐要說服蔣祖曼

呢群「串星」當中有唔少人好耐都冇拍劇,包括錢小豪、洪卓立同埋朱健鈞。朱喺90年代加入TVB之後拍過《少年五虎》同《餐餐有宋家》,後來發展平平,轉投亞視及拍內地劇都未有起色,稍為近期嘅演出係2016年杜琪峰電影《三人行》。

16年冇拍過大台劇嘅朱健鈞
16年冇拍過大台劇嘅朱健鈞
錢小豪
錢小豪
洪卓立
洪卓立

而其他客串陣容包括農夫(陸永/C君)、艾粒(Donald / 少爺占)、JW、羅霖、王賢誌等,最爆莫過於麥玲玲都有份,仲要演黑社會大家姐!

當時應該仲未簽TVB嘅JW
當時應該仲未簽TVB嘅JW
陸永,其實都算係TVB常見人物
陸永,其實都算係TVB常見人物
C君都係
C君都係
印象中未拍過TVB劇嘅艾粒
印象中未拍過TVB劇嘅艾粒
演大家姐嘅玲玲師傅,劇中會被綁架
演大家姐嘅玲玲師傅,劇中會被綁架

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!