陳展鵬有墨水 踩過界填詞

東方日報
·1 分鐘文章
「亞視之友」陳展鵬與陳煒,希望合唱劇集歌曲。
「亞視之友」陳展鵬與陳煒,希望合唱劇集歌曲。

再戰樂壇的視帝陳展鵬,昨日與陳煒拍劇時乘機宣傳新歌,嘗試執筆填詞的他被女方讚「有墨水」,他則自嘲是「維園阿叔」,並自爆囡囡不喜歡聽他的歌。

陳展鵬、陳煒與陳國峰昨日在蘭桂坊為無綫劇集《黯夜守護者》拍攝外景,劇情講述展鵬與陳煒駕車跟蹤國峰。陳煒透露於劇中與袁文傑情變,加上跟正值反叛期的14歲兒子相處出現問題,她笑言喊到淚乾:「之前有場戲喺海邊拍,又凍又大風,吹到啲眼淚打橫飛,吹到眼都乾埋!」

「阿女唔聽我啲歌」

展鵬聞言即乘機推介新歌,他笑言:「聽吓我首新歌《零歲》,就識得點同小朋友相處。(個女識唔識唱?)阿女唔鍾意聽我啲歌,佢鍾意聽佢嘅兒歌,我都要學唱,哈哈!」

自嘲維園阿叔

相隔21年再戰樂壇,展鵬表示新歌陸續有來,現正忙錄歌曲,亦會嘗試填詞,但想做到最好才面世:「聽完人哋嗰啲,我嗰啲都係袋住先啦。」陳煒支持他填詞:「佢好有墨水,平時同佢傾偈,話題好廣泛,好有自己嘅見解。」他即自嘲是「維園阿叔」!兩位「亞視之友」笑言不排除合唱劇集歌,展鵬覺得最重要是給觀眾新鮮感,陳煒笑言:「咁真係要叨你光,希望我唔會幫倒忙。」

陳煒與陳展鵬拍攝駕車跟蹤戲。
陳煒與陳展鵬拍攝駕車跟蹤戲。