陳展鵬爆老婆日日要！

陳展鵬女兒前日2歲生日，在家中舉行小型生日會，他受訪時不諱言與太太單文柔想追多個，問到太太是否已準備好？他笑說：「佢驚我未Ready啫！佢想我日日都Ready！」

陳展鵬與單文柔（Phoebe）前日在家中為2歲囡囡「小豬比」舉行小型生日會，更準備了一個可愛豬仔蛋糕，囡囡扑蛋糕時開心到紮紮跳！其實他們一直想追多個，展鵬坦言老婆很喜歡小朋友，亦希望女兒將來有個伴。

「放生」單文柔重歸幕前

日前展鵬在中環拍攝新劇《黯夜守護者》，受訪時談及追B大計：「我哋真係諗過，阿女好懂性，都算乖，生多個可以有人陪佢玩。有個細佬或細妹，佢將來又識照顧人。」問到Phoebe是否已準備好？他笑說：「佢驚我未Ready啫！佢想我日日都Ready！」提到太太專心相夫教子，已甚少做幕前工作，問他何時「放生」Phoebe？他揚言若太太想「復出」，隨時都歡迎：「其實好多人『爭住』湊阿女，好多親戚話如果我哋要做嘢，隨時可以幫手睇住。不過我見Phoebe平時湊女好開心、好Enjoy，所以睇佢想點啦！我真係冇所謂，佢開心就得。」

陳敏之踩足全日

前晚展鵬又與陳敏之為一場回憶戲份開大夜班，劇中2人有感情線，展鵬Gel晒頭，敏之則駁長髮拍攝，回憶10多年前的事。雖然要開夜班，但敏之當日仍抽空與囝囝子樂暢遊樂園，果然是「Super Mum」！她受訪時表示：「我不論做媽媽同做演員都同樣投入，簡直係瘋狂鍾意湊仔！（咁唔快啲追多個？）我係有意再追多個女嘅，但未追到，因為依家開緊劇，成日通宵先返屋企，開完劇我會再繼續努力！」