陳庭欣哽咽報道曾守明死訊 好友歐瑞偉鄭家生憶述送院經過

【星島日報報道】無綫資深演員曾守明日前在廣州登台時猝死，令人難過。昨晚《東張西望》報道曾守明的死訊，主播陳庭欣在直播時，講到與曾守明的住事，不禁哽咽，她傷感地表示：「過去幾個月，《平安谷》一班同事都係同守明哥開工，我哋住得近，間中喺同一間餐廳撞到，有時會請我食飯。我話過下次約埋出嚟食飯我請，但依家冇咁嘅機會。」 節目以電話訪問曾守明太太，她透露曾守明遺體將於明日送返香港，她說：「最近冇聽佢有唔舒服，有食藥，完全冇先兆。（曾守明有咩遺願？）阿仔今年考DSE，佢想個仔讀好書，入紀律部隊，有諗過屋企裝修、一齊去旅行。佢好熱愛演戲，想拍一套代表作。」與曾守明同行去廣州登台的歐瑞偉、鄭家生，同樣有接受訪問，大家相識數十載，痛失好友當然惋惜。歐瑞偉、鄭家生憶述當時為曾守明急救：「當時我喺台下幫佢影相，突然唱緊歌冇聲，砰一聲見到守明成個人趴喺台上。當時我哋衝上台，抬守明返後台，有朋友幫手把脈，話冇咗脈搏。一直同佢做心外壓同人工呼吸，拍醒佢，仲有反應。20分鐘左右，當地救護車嚟咗。」可惜曾守明已經返魂乏術，歐瑞偉、鄭家生亦通知其家人趕去廣州，二人一直陪伴在側，惜無能為力救回好友。

睇更多