陳志雲大爆TVB輸ViuTV倒數演唱會製作權主因:對TVB嚟講面子事大

·2 分鐘文章
《志雲頻道》影片截圖
《志雲頻道》影片截圖

香港旅遊發展局今年12月31日將復辦除夕倒數活動,不過就由過往嘅倒數煙花匯演改為「香港跨年倒數演唱會」,MIRROR、江海迦(AGA)、許廷鏗、李幸倪(Gin Lee)等歌手將聯同香港管弦樂團演出,並由ViuTV投得製作權。TVB前總經理陳志雲就喺YouTube個人頻道發佈「TVB又輸了給 ViuTV?」為題嘅影片,爆料TVB其實都有份競投,不過不敵ViuTV。

陳志雲喺影片中大爆TVB輸比ViuTV嘅原因:「據了解ViuTV同TVB都有競投呢個製作權,兩者嘅製作費都係差不多,不過TVB最終都係輸比ViuTV,主要原因據聞係ViuTV有MIRROR呢張皇牌喺手。做少一單生意事少,對TVB嚟講面子事大,因為喺TVB口中,ViuTV根本唔係對手,但偏偏事實證明,ViuTV的確係TVB對手,仲要係贏咗佢嘅一個對手。」

網民就留言:「志雲大師好像很開心ViuTV嬴了TVB」、「今次個總經理Eric曾,同首席創意總監輸到無哂面啦,好應該自動辭職吧」、「不得人心必輸!」、「cctvb唔知仲有咩睇,冇睇幾年」、「TVB根本無巨星,得班星夢」等等。而其實陳志雲已經唔係第一次公開串TVB,自2012年離巢後,佢不時都會評論舊東家,曾經講過「而家嘅TVB好似變咗以前嘅ATV。」及「就算請多100個曾志偉,請多100個叻過曾志偉好多倍嘅人過嚟都係冇用,因為人哋覺得呢個品牌嘅價值係負面。」等等。

《志雲頻道》影片截圖
《志雲頻道》影片截圖
MIRROR
MIRROR
MIRROR
MIRROR

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能