陳明憙摸黑體驗失明 陳凱彤呻冇親熱戲

東方日報
·1 分鐘文章
陳凱彤落力綵排,務求以最佳狀態演出。
陳凱彤落力綵排,務求以最佳狀態演出。

歌手陳明憙、陳凱彤(Lillian)及黃劍文前晚綵排慈善音樂劇場,3人各自演出單元故事,明憙與黃劍文均飾演視障人士,明憙表示除了向故事主人翁取經外,還參加工作坊體驗失明感覺,自爆甫進場便爆喊10分鐘:「個感覺好震撼,未試過一啲光都接觸唔到,自己有少少幽閉恐懼症,出番嚟就更珍惜自己擁有嘅嘢。」黃劍文表示上次綵排時崩潰爆喊一小時:「平時好少嗌得咁歇斯底里,真係把聲都沙晒。」

而Lillian透露飾演視障男士的女朋友:「只係要嗲吓佢、拍吓啲拍拖戲份,最大尺度都只係拖手仔。」提到她近日擔任翟威廉線上音樂會Happy Live的嘉賓,對於男方是非纏身,她坦言與對方熟落,但甚少談私人事。

陳明憙於音樂劇飾演視障人士。
陳明憙於音樂劇飾演視障人士。