陳柏宇操刀影泳照 符曉薇挑戰史上最性感

陳柏宇太太符曉薇近日在社交網大晒性感泳照，指老公不會呷醋，原來該輯「寫真」正是由他操刀拍攝，更賣口乖讚老婆「點影都咁靚」！

歌手陳柏宇的網紅太太符曉薇（Leanne）近日在社交網分享一輯三點式泳照，泳褲更少布到「犯規」，性感程度爆燈，獲網民大讚！原來這輯性感相正是由老公操刀，她說：「啲相係陳生影嘅，所以佢唔會呷醋，之前好嚴格控制飲食同運動，仲Fit過未生囡囡之前。」又直指相中的泳衣是史上最性感的一套，強調拍攝前已檢查清楚，確保沒有走光：「見自己瘦咗，件泳衣又幾靚就買咗，Check清楚先走出房門，好穩陣，應遮嘅位都遮晒。」並透露拍攝時泳池只有他們一家三口，所以才會如此大膽。

黃妍放寬尺度

陳柏宇昨日與師妹黃妍等到將軍澳電視城錄影節目《勁歌金曲》，提到為太太拍攝泳照獲網民激讚，他賣口乖笑說：「太太靚，就點影都咁靚！」但笑指平日太太是迫不得已才會找他影相，因覺得他沒誠意，問到會否考慮幫太太影寫真？他說：「唔會啦，大家讚都係畀面啫！」

至於黃妍被問到會否趁青春留倩影，拍攝性感相？她笑說：「今日嘅衣着已經好性感，露背㗎！最近啲衫嘅尺度已經由BB級升到小學。」