陳楨怡夢想搞畫展 馮盈盈經營「副業」 企足7粒鐘

·1 分鐘文章
馮盈盈(左)希望跟陳楨怡合作設計首飾。
馮盈盈(左)希望跟陳楨怡合作設計首飾。

前港姐冠軍馮盈盈出名瓣數多多,最近經營「副業」做推銷員,推介其設計的首飾,並指試過1日企足7粒鐘,為「處女作」搏盡!而陳楨怡專程到場支持師姐,希望將來自己都可以開畫展。

馮盈盈昨日現身藝術博覽會,宣傳其設計的首飾,邀得好友陸浩明及前港姐亞軍陳楨怡撐場。向來有佩戴水晶習慣的盈盈,指疫情令很多人出現不快及焦慮,而水晶有安撫心靈作用,希望推廣給大眾:「設計咗3款水晶手鏈,個名攞個諧音叫『晶凝系列』,總共做咗25條,其中一款加入咗我收藏多年、宋代嘅純金波波,所以只得1條,仲加入咗新科技元素,用『以太幣』拍賣形式畀大家競投,暫時叫價去到3.2個以太幣(約9萬港元)。」

開拓新財路

她笑言以往不知搞展覽如此辛苦:「因為訪客會有唔同問題,例如水晶資料,甚至係文化背景嘅問題都有,仲要用埋兩文三語,尋日首日展出,我喺會場企足7個鐘。」她坦言想在演藝事業以外,嘗試開拓另一條財路,例如設計首飾甚至創業。

她自爆邀請陳楨怡原因,是對方曾修讀建築學及藝術設計,希望對其作品給予意見,亦想將來一齊合作。而陳楨怡感激盈盈邀請,喜見好友的作品參加展覽:「我一直都好想有自己嘅展覽,細細個已經夢想搞畫展。」

馮盈盈邀得陸浩明撐場。
馮盈盈邀得陸浩明撐場。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能