陳潔玲自認筍盤：唔使搶人嘢！

前港姐冠軍陳庭欣與商人男友楊振源（Benny）近日被貼街招，大爆Benny花弗到處留情，爆出三角關係，直至昨日有指同是港姐出身的陳潔玲亦捲入其中！陳潔玲激動否認是第三者，自認筍盤不乏追求者，陳庭欣就表示信任男友。

陳庭欣與Benny拍拖以來感情穩定，但日前有爆料指Benny與圈外女子阿Yu關係曖昧，還指陳庭欣是「傻港姐」，昨日又傳有「翻版陳妍希」之稱、同是港姐出身的藝人陳潔玲捲入這段關係，指她不時到Benny與陳庭欣夾份開設的健身中心打躉宣示主權，同時有傳Benny在九龍區有兩單位，一個給陳庭欣住，另一個作私人用途，有指陳庭欣早知男友花弗，但一直死忍，惟逼婚不成功。最近Benny與友人到北海道二世古滑雪，更上載照片分享，但未見陳庭欣蹤影，有指她本來一同前往，但出發前吵大鑊而未有同行。

否認同Benny吵大鑊

對於男友被指風流，陳庭欣昨日沒多加回應，惟對於釣金龜及旅行前吵大鑊傳聞，她指並不屬實：「睇幾句已經有錯誤，每次都係媒體寫我或催我結婚，甚至話我已婚，但事實係冇！第二，旅行前一直平靜，冇任何嘈交，所以其他都唔想回應啦，謝謝！」再問到是否相信男友？她終於「破天荒」首度表示信任男友，又解釋指自己要開工，才未能陪同旅行：「呢兩個月一早度咗期要拍戲，仲要做《東張西望》。」

畀面陳庭欣去Gym

至於突然捲入事件的陳潔玲否認做小三，她表示認識陳庭欣及Benny，但跟男方見面都是一大班朋友聚會，沒試過單獨約會：「我係筍盤，唔使搶人嘢，唔使做進擊的小三，從來只有人哋進擊我！我每日都是努力踏實咁過好自己嘅人生，一般男女感情轇轕，我唔係當事人，冇任何意見同睇法。（覺唔覺得Benny追你？）我覺得唔係，總之只係朋友，我唔會做呢啲嘢摧毀自己事業。」她又否認上健身中心是「踩場」：「係庭欣叫我上去做Gym，我畀面佢上過幾次，仲有好多朋友有去。（再見面會唔會尷尬？）唔會！因為我真係唔係小三，有時做Gym見到，大家都有傾偈。」