陳瀅冇時間收兵

·1 分鐘文章
陳瀅(左)與張寶兒悉心打扮現身。
陳瀅(左)與張寶兒悉心打扮現身。

陳瀅昨日偕張寶兒出席醫學美容中心開幕,忙於拍攝無綫新劇《痞子殿下》的她,已兩日沒有瞓覺,但仍能吊威吔開工。對於被指收了唱片公司太子爺張子丰做「新兵」,她大呼冤枉:「一千個、一萬個唔係!我哋係識咗好多年嘅朋友,嗰日係幫何雁詩拎件風褸放入張子丰個袋,只係路過Say Hi就走咗!其實我係何雁詩隻兵,還我清白呀!(有冇人追?)邊有時間,平時我手機不離手,但拍呢套劇,可以成個星期都唔Check手機。」

至於張寶兒對於父親上月沽出禮頓山豪宅單位,帳面賺了3,700萬,她笑指小時候的親子活動就是四圍睇樓盤:「爸爸話買樓可以保值,我向佢學習緊。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能