陳瀅飛溫哥華過節日日做Test

東方日報
·1 分鐘文章

藝人陳瀅已飛到溫哥華與家人過聖誕及新年,為安全計自爆每日都做檢測,肯定自己冇確診。她於社交網上載短片,見她一入屋在玄關位已勁興奮,又彈又跳,給婆婆一個大驚喜,婆婆竟然感動到喊。但網友將重點放在她的大宅上,屋內有條大樓梯,窗外見到後花園,客廳放置巨型梳化。

她表示還未完成家居隔離:「加拿大規矩係要家居隔離,不過我都戴口罩同保持2米距離,我見到婆婆都冇得攬攬,好心噏……我喺香港臨飛之前做咗2個唔同嘅檢測,確定2個都OK先上機,自己依家每日都會做1個Test,最擔心都係婆婆,因為佢年紀大。我自己見佢之前都全身消毒,搭飛機着過啲衫全部都換過晒,沖過晒涼,啲篋都消毒晒先敢拎入屋。」