陳瀅3次檢測肯定冇確診 意外晒加拿大溫馨大宅

·1 分鐘文章
陳瀅3次檢測肯定冇確診 意外晒加拿大溫馨大宅
陳瀅3次檢測肯定冇確診 意外晒加拿大溫馨大宅

藝人陳瀅早前講過自己今年聖誕同新年會返溫哥華陪屋企人過,就算要隔離都堅持返加探佢至錫嘅婆婆,估唔到佢咁快手完成14日隔離,趕得切同家人做冬,仲自爆做足3次唔同嘅檢測,肯定自己冇確診,加埋佢全身消毒過,先敢見婆婆!

陳瀅蹦蹦跳咁返屋企。
陳瀅蹦蹦跳咁返屋企。
佢做足3次檢測,肯定冇確診先返屋企。
佢做足3次檢測,肯定冇確診先返屋企。

見佢一返到屋企就拍晒片,喺玄關位就已經勁興奮,又彈又跳咁走入屋,仲攝手攝腳咁走嚟走去,畀婆婆一個Big Surprise,睇嚟佢個驚喜實在太大,婆婆竟然感動到喊咗出嚟,睇嚟一家人感情真係非常好。

婆婆開心到喊!
婆婆開心到喊!

不過網友就Get錯晒重點,Focus晒喺陳瀅間大宅度,一Roll機就見到大大條樓梯,轉角位就見到偏廳有張6人大枱,窗外就見到後花園一角,再轉多個90度就見到廳入面嘅巨型真皮梳化,裝潢都幾有東方氣息,真係夠晒溫馨呀!

一轉身就見到轉角樓梯。
一轉身就見到轉角樓梯。
偏廳有大枱又見到後花園一角。
偏廳有大枱又見到後花園一角。
大廳就有巨型真皮梳化。
大廳就有巨型真皮梳化。

【相關搜尋】陳瀅爆公關界黑暗面