陳煒傾好婚期等男友買樓

東方日報
·2 分鐘文章
陳煒視察睡房景觀,又細看廚櫃是否啱心水。
陳煒視察睡房景觀,又細看廚櫃是否啱心水。

現年47歲的藝人陳煒與醫生男友陳國強,前年公開戀情以來一直甜蜜蜜,她亦承認對方是Mr. Right,對結婚早有共識。昨日她參觀跑馬地一個逾千萬豪宅,似為結婚作準備,事後她冧爆表示愛巢要由男友畀錢,若有好消息會公布!

陳煒認愛後不時被追問婚訊,近期更頻頻出動睇樓,似有意築愛巢準備結婚。昨日下午1時許,身穿黑色牛仔褲及灰色冷衫的她,單拖現身跑馬地「EIGHT KWAI FONG HAPPY VALLEY」新樓盤,門外早有職員等候,她接過樓盤資料後談了一會便入內。

買磚頭收租

她先後看了幾個不同面積的示範單位,邊參觀邊聽職員介紹,行勻客廳、睡房、廚房、廁所及露台,當中對廚房尤其重視,打開櫃門細看之餘,又不時發問,似乎頗感興趣。睇完單位,她到天台及會所繼續參觀,逗留近1小時才離開。

記者事後致電陳煒,問是否揀愛巢?她笑說:「愛巢等佢買啦!我自己買嘅就係用嚟投資之用。」她坦言與男友有結婚計劃,大家朝着同一目標進發,有好消息就會公布。今次是知道該區有新樓盤,故趁空檔前來看看:「個供款計劃幾吸引,而且租金回報算高,但要返去計吓數先。(目標係幾錢嘅樓?)睇番個市場,依家對1房單位好大需求。(趁樓價回落入市?)啲錢放喺度都係貶值,睇吓有咩適合投資囉!」

陳煒視醫生男友陳國強為結婚對象。
陳煒視醫生男友陳國強為結婚對象。