陳煒果欄開工遭「前夫」追殺

orientaldaily.on.cc

【東方日報專訊】離婚五年的陳煒日前終於公開分訊,無「秘」一身輕的她昨日在果欄拍劇,心情輕鬆。不過,人生如戲,劇情剛巧拍攝到陳煒被前夫張國強手下追趕的戲份,陳煒與「前夫」認真有緣。

無綫藝員陳煒近日爆出與台灣商人老公顏志行已於五年前離婚,日前公開承認失婚的她,昨午在油麻地果欄繼續為劇集《果欄中的江湖大嫂》開工,現場所見,陳煒未有受事件影響,不時與工作人員有說有笑,神情輕鬆。人生如戲,劇情剛剛又拍攝到陳煒被前夫張國強派來的手下追捕至果欄的追逐戲份,陳煒與「前夫」果然有緣。

不擔心惹負評

陳煒日前就瞞「分」表示歉意,公布分訊後獲不少朋友鼓勵及打氣,令她感覺溫暖。講到正式公布離婚後的心情,陳煒說:「OK呀,因為件事真係好耐,最難係衝破呢個關口同大眾講,承認呢件事。(有冇擔心過負評?)冇擔心太多,都係正常交代一次。(近日有冇同前夫聯絡?)有聯絡,佢都叫我Take Care,會支持我。(會否再見面?)一直都有保持聯絡,佢嚟香港有空檔會見吓面,但就唔多,始終大家喺唔同地方工作。」

黃浩然喪跑標汗

講到瀕臨離婚的荷里活男星畢彼特(Brad Pitt)與安祖蓮娜祖莉(Angelina Jolie)都有望世紀復合,問她與前夫可有轉機?陳煒說:「呢五年都係幾長嘅時間,我自己呢個Moment就覺得唔會。人哋還人哋啦,每個人對感情處理都唔同,冇諗呢啲,唔諗住喇!(劇情又講前夫,有冇觸景傷情?)咁啱啫,戲劇就係咁,唔會觸景傷情。(公布離婚會唔會係一個了結?)會呀,我唔係一個講大話嘅人,之前比較難過到自己,其實瞞咁耐自己都唔好過。」

此外,黃浩然亦在果欄拍攝奔跑戲,與黃光亮做對手,他在酷熱天氣下拍到身水身汗,不時要喝水避免中暑。

文:影視組

其他內容