陳百祥興奮搲撈:呢個矮仔終於捱出頭!

東方日報
·1 分鐘文章
自嘲本已「冇得撈」的陳百祥,希望再與好兄弟拍住上。
自嘲本已「冇得撈」的陳百祥,希望再與好兄弟拍住上。

與志偉分屬好兄弟的陳百祥(阿叻),昨日得悉對方上任無綫副總經理,並全權負責綜藝節目一事,坦言感到振奮,他笑說:「呢個矮仔終於捱出頭啦!真係要恭喜佢!呢件係2021年第一件喜事,我終於有得撈,希望志偉上場後,畀番個位置我。(最想做咩綜藝節目?)冇所謂,有得做就得,任由佢安排!(最想做港姐騷?)呢啲會傳緋聞嘅留番畀佢啦!我做慈善騷就得喇!」

雙方已多年未有在無綫這個舞台遇上,如今兄弟「重逢」,阿叻百感交集:「當年佢做《獎門人》救咗成個TVB,喺佢未返嚟之前,我一直以為自己冇得撈,仲諗住要接棒做胡楓個位,最近一次幫TVB做《歡樂滿東華》司儀,都係我求番嚟做咋!所以志偉今次返嚟,真係一個喜訊!」

【相關搜尋】余詠珊曾志偉傳不和

【相關搜尋】林曉峰不排除重返TVB