陳自瑤人肉暖包「峰」殺李佳芯

東方日報
·3 分鐘文章
陳自瑤坦言服飾太少布,冇位攝暖包。
陳自瑤坦言服飾太少布,冇位攝暖包。

多位無綫花旦、小花昨晚於頒獎禮舉行前,率先於紅地氈爭妍鬥麗,無懼寒風刺骨,紛紛裝「胸」作勢!陳自瑤出動心口的「人肉暖包」,「峰」殺全場,彭慧中與陳煒等亦齊齊拋胸示人,相反視后級李佳芯與張曦雯失手,打扮密實到爆,令人失望!

《萬千星輝頒獎典禮2020》昨晚舉行,一眾女星除了爭獎之餘,當然不放過於紅地氈搶鏡的機會,即使處於嚴寒,亦不吝嗇身材。芸芸女星當中,陳自瑤(YoYo)、陳煒、姚子羚、彭慧中、林凱恩、何依婷與朱晨麗等均「胸」群而出,令現場氣溫飆升!

彭慧中「中門大開」

有份角逐「最佳女配角」的YoYo化身「人肉暖包」,以低胸吊帶Bling Bling造型上陣,除了騷澎湃上圍外,又露背、露腰現馬甲線,非常性感,她說:「以往未試過咁凍,呢件衫之前揀咗,後來睇新聞先知咁凍,只好頂硬上,身上都冇位攝暖包。(頒獎禮以來最性感?)可以再性感啲,未去到最底線。」而陳煒穿白色谷胸貼身大露背晚裝現身,盡現弗爆身形;子羚以白色低胸開衩長裙現身,露出性感小褲仔,另類吸睛;彭慧中的白色晚裝就上半身開窿現胸形;何依婷以黑色喱士吊帶裙谷胸騷長腿,性感得來不失優雅。

日前被爆昔日艷照的林凱恩,穿白色斜膊喱士高衩長裙,問到是否不介意性感?她說:「唔係刻意性感,想營造健康、正能量畀大家。之前啲相令大家擔心,唔好意思,自己冇保管好財物,身邊人都話過我好多次,唔會再犯。(驚再有更激嘅相流出?)總之未經我同意發布呢啲相,已經係侵犯私隱,我見到都呆咗。」再問有否影更激的性感相?她未有正面回應,只說:「嗰啲只係生活照。(有冇唔着衫?)其實身形靚啲,都係留倩影。(即係影過?)冇影過!」

「知大家會失望」

至於李佳芯以白色長袖喱士上身衫配黑色長裙,打扮平庸,故甫現身便自嘲:「知大家會失望,唔係對我有期望呀?長袖有位可以攝暖包。(輸蝕畀其他性感女星!)本身出世就輸蝕,接受咗現實。」對於被指與男友陳炳銓分手,更搬離西貢愛巢,她說:「點解咁講?唔係,冇乜改變,都有見面,搬出去係因為方便返工。(拍完劇搬返去?)仲有合約,等完咗先決定。(感情冇變?)都係咁。」平日多作性感打扮的張曦雯,穿淡粉紅色長裙出現,設計簡約,性感欠奉,不過佩戴了價值約300萬元的鑽飾,貴氣搭夠,挽回分數。而穿連身長裙的江嘉敏,俯身整理裙襬時,腰間位置出現「一截截」,大殺風景!

李佳芯自嘲「輸在起跑線」,不敢性感示人。
李佳芯自嘲「輸在起跑線」,不敢性感示人。
彭慧中「心口開窿」搶鏡。
彭慧中「心口開窿」搶鏡。
着西裝褸的朱晨麗「大開中門」。
着西裝褸的朱晨麗「大開中門」。
姚子羚穿白色低胸開衩長裙,露出性感小褲仔。
姚子羚穿白色低胸開衩長裙,露出性感小褲仔。