陳蕊蕊投資6位數舉辦美人魚小姐比賽:希望收支平衡

陳蕊蕊投資6位數舉辦美人魚小姐比賽:希望收支平衡
陳蕊蕊投資6位數舉辦美人魚小姐比賽:希望收支平衡

陳蕊蕊今日(21日)以嘉賓身份出席跳蚤市場開幕活動,本身有投資開「美人魚明星學院」的她,這次開「格仔店」售賣的產品也是以美人魚及海洋為主題:「都係一啲美人魚嘅飾物,防水嘅化妝品、護膚品呀,呢啲自己比較有新的嘅嘢。投資咗大概五位數,之前自己去旅行都入咗好多貨。」

蕊蕊透露最近忙着籌備《第一屆亞洲美人魚小姐大賽》,她表示希望透過這個比賽宣傳海洋保育的信息,前期工作已經準備得七七八八,早前大會從數十名參賽者中選出7位入決賽,但考慮到最近社會動蕩,所以決賽推遲至10月舉行,她更自爆已經投資了6位數:「雖然有好多贊助商啦,但前期自己都要揼幾大筆數投資,而家希望收支平衡,出到糧畀員工,將賺到嘅錢捐畀海洋保育機構。」

而對於今次比賽的勝出者,蕊蕊表示有意簽為旗下藝人:「我哋已經物色咗幾位,希望嚟緊可以做教練啦,同埋做美人魚小姐宣傳大使,佢哋本身都係呢行嘅人,希望利用佢哋嘅身份令更多人認識美人魚呢個運動同海洋保育。」提到下個月初過生日,蕊蕊透露一早已經計劃好慶生活動:「同好耐冇見嘅朋友食個飯,生日去個旅行,順便入下貨。(有冇男性朋友?)當然有啦,有男有女,我哋已經預咗幾圍。」

點擊瀏覽《香港01》更多內容和圖集

你可能感興趣:
【母夜叉】 陳蕊蕊自爆有細十年小鮮肉力追:太細個搞唔掂
藝人陳蕊蕊長期戴CON、黐假眼睫毛致結膜炎 醫生教如何徹底卸妝