陳詩欣宣布封盤 齊睇現役「是非精 」感情狀況

·4 分鐘文章
陳詩欣
陳詩欣

無綫綜藝節目《學是學非》由2013年開始播出,至今總共拍攝過7輯,每一輯都深受觀眾喜愛,一班主持人「是非精」都成功入屋。現年29歲嘅陳詩欣(Eunice)於2019年年尾加入《學是學非》,憑住樣子甜美及fit爆身形,成功俘虜一眾網民。今日Eunice喺社交網站宣布與拍拖3年嘅圈外男友陳爾正(Joshua)拉埋天窗,及大爆男友上年11月嘅求婚過程:「今天終於可以把這份喜悅分享出來,我們要結婚了! 在上年的11月 ,你悉心安排的求婚,過了大半年,我每一次想起也會感動,怎麼會有一個傻瓜在求婚當晚的晚餐,每一道餸也加了自己最討厭吃的雞蛋,這個難忘的一晚是我人生最美麗的畫面。謝謝你這麼寵愛我,謝謝你的善良溫柔,謝謝你選擇了我成為你的另一半,以後我倆手牽手一同成長一同經歷,餘生請多多指教。我愛你 ,陳爾正」唔少藝人及網民知道喜訊後到紛紛留言送上祝福。陳詩欣宣布封盤後,相信令到一眾宅男粉絲心碎!其實《學是學非》除咗Eunice之外,仲有好多靚女主持,不如而家就同大家睇下呢班現役「是非精 」嘅感情狀況啦!

陳詩欣
陳詩欣

張寶兒
張寶兒(Bowie)喺2016年因拍攝《打工捱世界II》與無綫小生袁偉豪相戀,二人拍拖三年感情穩定,並於上年年尾喺清水灣愛巢秘密註冊,正式升呢做人妻。

張寶兒
張寶兒

馮盈盈
「話題女王」馮盈盈嘅感情生活一直備受關注,佢喺前年年尾宣布與拍拖4年嘅同居男友Martin分手,回復單身嘅佢不愁寂寞,先後與鄭衍峰(Leonard)及賭王兒子何猷亨傳緋聞,之後又與西裝男喺高級餐廳撐枱腳。

馮盈盈
馮盈盈

麥美恩
傻大姐形象入晒屋嘅麥美恩(Mayanne),入行多年都係緋聞絕緣體,只與許文軒(Edmond)傳過。二人喺2017年開始傳出緋聞,但佢哋一直未有認戀,只會不避嫌咁公開打情罵俏,又以情侶檔身份搵真銀。

麥美恩
麥美恩

劉穎鏇
現年24歲嘅劉穎鏇(Tiffany)喺2018年宣布與男友分手,同年年尾就有報道指佢暗撻港男胡㻗,更被影到佢同胡㻗密會,仲喺車廂內疑似摸黑親熱,其後否認拍拖,去到今年強調二人只係朋友關係。

劉穎鏇
劉穎鏇

何依婷
無綫力捧小花之一嘅何依婷(Regina),憑「是非精」成功上位後,早前更被點名做第一女主角。現年單身嘅佢,早前被指上位後即與拍拖數年嘅窮男友斬纜,佢就話當同前男友係一齊時間長,因了解對方而分開,自己亦唔急於拍拖。

何依婷
何依婷

鄺潔楹
「仙氣女神」鄺潔楹(Judy)上年年尾被爆出與年約30歲經營酒吧嘅富二代男友Ricky Yung拍拖,仲已經發展到半同居關係。早前有報道指Judy生日就邀請咗一班朋友到Ricky嘅餐廳大搞校服生日派對,期間二人有傾有講,Judy仲不時向Ricky撒嬌。

鄺潔楹
鄺潔楹

戴祖儀
歌手戴祖儀(Joey),除咗唱歌之外,喺演戲及主持方面都有不俗嘅發展。佢曾與「女神收割機」羅天宇傳緋聞,當時更加被影到佢哋去行沙灘同撐枱腳,不過之後戴祖儀強調佢哋冇拍拖。之後,佢就傳出與從事藝術投資生意嘅Michael傳出緋聞。

戴祖儀
戴祖儀

何泳芍
「​美人魚港姐」何泳芍(Honey)喺今年2月接受時傳媒訪問時自爆與外籍男友分手,去到3月就有報道指「朱凌凌」吳偉豪 與Honey一起行山放狗傳緋聞,但吳偉豪否認。

何泳芍
何泳芍

陳欣茵
陳欣茵(Yanyan)喺拍攝《#後生仔傾吓偈》受到關注,其後更成功加入《學是學非》做「是非精」,早前有網民指Yanyan嘅男朋友係人氣Youtuber「熊仔頭」。

陳欣茵
陳欣茵

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能