陳詩欣「黑面」蛋糕 被男友嫌棄

東方日報
·1 分鐘文章
陳詩欣製作小蛋糕,未食已經甜入心。
陳詩欣製作小蛋糕,未食已經甜入心。

今日大年初三適逢情人節,「甜姐兒」陳詩欣製作又靚又好食的伯爵茶蛋糕,希望大家像她一樣甜入心!與圈外男友蜜運中的她,自爆曾為對方整生日蛋糕,怎料被嫌棄,她笑說:「佢覺得好似燶咗咁,但其實嗰款蛋糕個面真係黑黑哋o架!」不過,她坦言下廚的確曾經失手:「試過煲湯,我跟食譜最後先放豬肉,但原來入面未熟,去到凌晨我胃痛到起身嘔,原來屋企人都係,好彩嘔完就冇事,之後冇再煲過湯!」

提到情人節適逢赤口,她笑言男友已醒目訂定餐廳:「因為佢好驚會鬧交!」又自爆2人經常吵架:「都係為咗好小事,例如擺咗啲嘢喺度唔執,我叫佢執咗佢,佢就話我做咩唔執,係好『小學雞』式鬧交,講完之後就好番o架喇!哈哈!(有冇試過激到你好嬲?)有次我嬲到走,因為佢遲到大半個鐘,我等等吓頂唔順返咗屋企,然後佢嚟我屋企樓下氹番我。」

陳詩欣與男友不時為小事嘈交,十足小朋友。
陳詩欣與男友不時為小事嘈交,十足小朋友。