陳豪等吹雞拍「色情劇」

陳豪(中)與戚其義有份投資的甜品店疫市擴充。
陳豪(中)與戚其義有份投資的甜品店疫市擴充。

陳豪與「金牌監製」戚其義昨日在銅鑼灣為有份投資的甜品分店主持開張儀式。講到疫市擴充,陳豪認為有危就有機,但暫時不會心雄再開,步步為營。

戚其義透露正籌備時裝愛情新劇,內容帶動作及少許色情。他表示看過陳豪演《殺手》後,睇好他今年奪視帝,期望再合作。問到新劇與林文龍及亞視有關係,陳豪似乎較難參與其中?他說:「係同文龍一齊做,但應該同亞視冇關,係佢哋啲分公司。其實未得陳豪批准o架,佢都唔知有冇期啦,如果包拍就可以搵佢。」陳豪則說:「我哋成班同監製合作過嘅演員,都等緊佢吹雞。」

此外,問到陳豪前晚出席台慶時幾乎全程戴口罩,是否很擔心疫情?他坦言:「係有啲擔心安全問題,明白大家戴口罩驚個妝會溶,我就情願犧牲少少個樣換安全,如果中咗會連帶性爆發。」